Ուղիներ դեպի արդարադատություն․ դատաիրավական բարեփոխումների շուրջ տարածաշրջանային երկխոսություն․ Հայաստան, Վրաստան, Մոլդովա

2026 թվականի մարտի 17-ին Երևանում կայացել է «Ուղիներ դեպի արդարադատություն․ դատաիրավական բարեփոխումների շուրջ տարածաշրջանային երկխոսություն․ Հայաստան, Վրաստան, Մոլդովա» խորագրով համաժողովը։

Համաժողովը ծառայեց որպես տարածաշրջանային երկխոսության հարթակ՝ միավորելով փորձագետներին և պրակտիկ մասնագետներին՝ դատական բարեփոխումների հիմնական հարցերը քննարկելու նպատակով։ Մասնավորապես, քննարկումները կենտրոնացած էին դատական բարեվարքության, դատավորների կարգապահական պատասխանատվության և գործերի քննությունը ողջամիտ ժամկետում ապահովելու կարևորության վրա։ Ընդգծելով ընդհանուր մարտահրավերները և ուսումնասիրելով հնարավոր լուծումները՝ համաժողովը նպաստեց տարածաշրջանում դատական համակարգերի ամրապնդմանն ու իրավունքի գերակայության բարելավման համար անհրաժեշտ բարեփոխումների առավել լայն ըմբռնմանը։

Հոդվածների այս ժողովածուն, որը հիմնականում կենտրոնանում է Հայաստանի և Մոլդովայի հեռանկարների և փորձի վրա, արտացոլում է փորձագետների տեսակետներն ու առաջարկությունները:

Հոդվածներում արտահայտված տեսակետներն ու կարծիքները պատկանում են միայն հեղինակներին և պարտադիր չէ, որ արտացոլեն Եվրոպական Միության կամ Արևելյան գործընկերության քաղաքացիական հասարակության ֆորումի տեսակետները։

Համաժողովն իրականացվել է Եվրոպական միության ֆինանսավորմամբ Արևելյան գործընկերության քաղաքացիական հասարակության ֆորումի ենթադրամաշնորհային ծրագրի շրջանակներում՝ «Մոլդովայի Իրավական ռեսուրսային կենտրոն» հասարակական կազմակերպության հետ համագործակցությամբ։

Ուղիներ դեպի արդարադատություն․ դատաիրավական բարեփոխումների շուրջ տարածաշրջանային երկխոսություն․ Հայաստան, Վրաստան, Մոլդովա