Եթե գործադրի ղեկավարի մակարդակով ցուցում կա, արդարադատություն ակնկալել անհնար է

Կարևոր է, թե ինչպես են իրավասու մարմինները դատավորի անկախության՝ օրենսդրությամբ սահմանված դրույթները մեկնաբանում և կյանքի կոչում, ինչպես են իշխանության երկու ճյուղերը՝ ի դեմս գործադիր և օրենսդիր իշխանության, ապահովում դատավորի անկախության երաշխիքները, և այստեղ ապահովել ասելով՝ պետք է նկատի ունենալ նաև ձեռնպահ մնալը դատավորի գործունեությանը միջամտելուց, և բնականաբար, ինչպես է դատական իշխանությունը, ի դեմս դատավորների, կարողանում ստեղծել այնպիսի կերպար, որը զերծ կմնա բոլոր տեսակի ազդեցություններից և միջամտություններից»,- ասում է Հարությունյանը։

Ըստ Հարությունյանի՝ պետք է ստեղծվի այնպիսի միջավայր, որ քննիչը, դատավորը, դատախազը կաշկանդված չլինեն որոշում կայացնելիս, մինչդեռ այսօր վարչապետի մակարդակով այնպիսի գրառումներ են արվում, որոնք կարծես թե կոչ են պարունակում, թե ինչպիսին պետք է լինի գործերի ընթացքը։

«Եթե գործադրի ղեկավարի մակարդակով ցուցում կա, արդարադատություն ակնկալել անհնար է»,- վստահ է Հասմիկ Հարությունյանը։

Խոսելով եկեղեցուն աջակցող խոսքից հետո գործարար Սամվել Կարապետյանի նկատմամբ քրեական հետապնդում հարուցելու և նրան կալանավորելու մասին՝ Հարությունյանը համոզմունք հայտնեց, որ գործ ունենք խոսքի ազատության սահմանափակման հետ։

«Ազատ խոսքը սահմանափակվել է և որպես պատիժ՝ ընտրվել կալանքը։ Փաստացի անձը հայտարարություն է անում և անմիջապես՝ 48 ժամ չանցած՝ հայտնվում քրեակատարողական հիմնարկում»,- ասաց Հ․ Հարությունյանը։

Աղբյուրը՝ https://factor.am/905612.html?