Կանգնեցնել Ադրբեջանի կողմից Լեռնային Ղարաբաղի դեմ ցեղասպանությունը․ ՔՀԿ-ների հայտարարությունը

Պաշտպանության նախարարությունը պաշտոնապես հայտարարեց Լեռնային Ղարաբաղում այսպես կոչված հակաահաբեկչական գործողություն սկսելու մասին։ Այս պահին Շուշի քաղաքից ռմբակոծվում է Լեռնային Ղարաբաղի  մայրաքաղաք Ստեփանակերտը։ 

Ադրբեջանի բռնապետական ռեժիմի կողմից խաղաղ բնակչության ահաբեկչական գործողությունը տրամաբանական շարունակությունն է 2022 դեկտեմբերից Լաչինի միջանցքի բլոկադայի, որը նպատակ ունի էթնիկ զտման ենթարկել ԼՂ-ն, որը միջազգային բոլոր նորմերով հանդիսանում է ցեղասպանություն։ Ադրբեջանի պաշտպանության նախարարության տարածած հայտարարության մեջ նշվում է, որ ռուս «խաղաղապահ ուժերի » հրամանատարությունն ու ռուս-թուրքական մոնիտորինգային կենտրոնը տեղեկացված են Ադրբեջանի գործողություններից։ 

Խաղաղ բնակչության դեմ լայնածավալ ռազմական հարձակումը  տեղի է ունենում ռուս խաղաղապահների տեղեկացվածությամբ և փաստացի անգործության պայմաններում, ի հակադրություն  2020թ նոյեմբերի 9-ի եռակողմ հայտարարության, որով պարտավոր է կանխել հրադադարի ռեժիմի ցանկացած խախտում։

Սույն հայտարարությամբ դիմում ենք բոլոր միջազգային կառույցներին, կազմակերպություններին ու պետություններին, որոնց համար  որևէ նշանակություն ունի մարդու իրավունքները և մարդու անվտանգությունը․  Ո՛չ միայն դատապարտել Ալիևի բռնապետական ռեժիմի կողմից իրականացվող հրեշավոր գործողությունը, այլև՛ հստակ քայլեր ձեռնարկել՝ կանխելու Լեռնային Ղարաբաղի հայերի ցեղասպանությունը։

Սույն  հայտարարությունը SOS ազդանշան է ՝ հրատապ գործողություններ իրականացնելու ակնկալիքով։

Հելսինկյան Քաղաքացիական Ասամբլեայի Վանաձորի գրասենյակ

Ժողովրդավարության զարգացման հիմնադրամ

«Խաղաղության երկխոսություն» ՀԿ

Կանանց ռեսուրսային կենտրոն

Իրավունքի զարգացման և պաշտպանության հիմնադրամ

Իրավունքների պաշտպանություն առանց սահմանների

Ժուռնալիստների «Ասպարեզ» ակումբ

Թրանսփարենսի Ինթերնեշնլ հակակոռուպցիոն կենտրոն 

Գլոբալիզացիայի և տարածաշրջանային համագործակցության վերլուծական կենտրոն