ՄԱԿ-ի հատուկ զեկուցողներն Ադրբեջանին կոչ են արել անհապաղ բացել Լաչինի միջանցքը՝ կատարելով մարդու իրավունքների և մարդասիրական իրավունքով ստանձնած պարտավորությունները

ՄԱԿ-ի մարդու իրավունքների հատուկ ընթացակարգերի հինգ մանդատակիրների կողմից Ադրբեջանի կառավարությանն ուղղված դիմում է հրապարակվել, որով կոչ է արվում անհապաղ քայլեր ձեռնարկել՝ ապահովելու Լաչինի միջանցքով տեղաշարժի ազատությունն ու անվտանգությունը։

Դիմումը նաև «Իրավունքների պաշտպանություն առանց սահմանների» ՀԿ և գործընկեր կազմակերպությունների ջատագովության արդյունք է։

ՄԱԿ-ի մարդու իրավունքների փորձագետները, մասնավորապես, նշել են, որ Լեռնային Ղարաբաղը Հայաստանի և արտաքին աշխարհի հետ կապող հումանիտար մեծ նշանակություն ունեցող Լաչինի միջանցքի արգելափակումը  խափանել է պարենի, դեղորայքի, վառելիքի և այլ կենսական ապրանքների առաքումը Լեռնային Ղարաբաղի մոտ 120.000 բնակչությանը։ Նրանք ընդգծել են, որ անկախ նրանից, թե փաստացի ով է արգելափակել միջանցքը, նոյեմբերի 9-ի Եռակողմ հայտարարությամբ Ադրբեջանը պարտավորություն է ստանձնել ապահովել, որ Լեռնային Ղարաբաղ մուտքը լինի բաց,  երաշխավորվի ազատ տեղաշարժը, և մարդիկ ունենան անհրաժեշտ  ապրանքների և ծառայությունների հասանելիություն։ 

Հատուկ մանդատկիրները խիստ մտահոգություն են արտահայտում, որ Լեռնային Ղարաբաղը արտաքին աշխարհին կապող միակ ճանապարի շարունակական արգելափակումը կարող է ծանր հումանիտար հետևանքներ ունենալ բնակչության համար և խախտել նրանց իրավունքները։  

Դիմումն ամբողջությամբ՝ այստեղ։