Համագործակցության առաջարկ. Մշտադիտարկման համակարգող

«Իրավունքների պաշտպանություն առանց սահմանների» հասարակական կազմակերպությունը համագործակցության է հրավիրում մարդու իրավունքների դատաիրավական և հակակոռուպցիոն ոլորտների բարեփոխումներով հետաքրքրված և ծրագրերի համակարգման փորձ ունեցող անձի՝ միանալու թիմին «Արդարացի դատաիրավական բարեփոխումներ» ծրագրի շրջանակներում Հայաստանի Հանրապետության հակակոռուպցիոն դատարանում քննվող գործերի մշտադիտարկման ընթացքը համակարգելու նպատակով:

Ծառայության տևողությունը 9 ամիս է, մեկնարկը՝ անմիջպես։

Համակարգողի հիմնական պարտականությունները.

1. Ծրագրի շրջանակներում  մշտադիտարկման ընթացքի պլանավորում և համակարգում,
2. Մշտադիտարկման ենթակա դատական գործերի վերաբերյալ տեղեկությունների հավաքագրում, գործերի ընտրության իրականացում,
3. Մշտադիտարկողների աշխատանքի համակարգում, որակի և ժամկետների պահպանման նկատմամբ վերահսկողություն,
4. Մշտադիտարկողների կողմից լրացված շտեմարանի ստուգում, դիտարկումների ներկայացում և խորհրդատվության տրամադրում
5. Մշտադիտարկման արդյունքների վերլուծության իրականացում, դիտարկված վարույթների վերաբերյալ հաշվետվության և ամփոփման իրականացում,
6. Անհրաժեշտության դեպքում իրականացնել համակարգման գործառույթներից բխող այլ պարտականություններ:

Անհրաժեշտ որակավորում, հմտություններ.

• Բարձրագույն իրավաբանական կրթություն, կամ վերապատրաստում իրավագիտության կամ մարդու իրավունքների ոլորտներում,

• Աշխատանքների համակարգման հմտություներ պահանջող աշխատանքի առնվազն մեկ տարվա փորձ,
• Դատական մշտադիտարկման նախկին փորձը կդիտարկվի որպես առավելություն,
• Տվյալներ հավաքագրելու և վերլուծելու հմտություններ,
• Հաշվետվությունների կազմման և պլանավորման հմտություններուն,
• Կազմակերպչական և համագործակցման հմտություններ
• Գրավոր և բանավոր հաղորդակցման գերազանց հմտություններ
• Համակարգչային հմտություններ, մասնավորապես MS Office փաթեթից Excel-ի և google forms հարթակի գերազանց իմացություն,
• Պատասխանատվության բարձր զգացողություն և բարեխղճություն,
• Թիմային աշխատանքի և ժամանակի պլանավորման կարողություն,
• Նախաձեռնողականություն։

Ինչպե՞ս դիմել

Հետաքրքրված և վերոգրյալ պահանջներին համապատասխանող անձանց խնդրում ենք ուղարկել ինքնակենսագրությունը info@prwb.am  հասցեին մինչև 2023թ. հոկտեմբերի 10-ը՝ էլեկտրոնային նամակի թեմայում նշելով Մշտադիտարկման համակարգող վերնագիրը:

Ընտրության փաստաթղթային փուլն անցած թեկնածուները կհրավիրվեն հարցազրույցի:

Կազմակերպության մասին

«Իրավունքների պաշտպանություն առանց սահմանների» հասարակական կազմակերպությունը հիմնադրվել է 2009 թվականին: Կազմակերպության առաքելությունն է բարձրացնել Հայաստանի Հանրապետությունում մարդու իրավունքների պաշտպանության արդյունավետությունը, իրավունքի գերակայության և լավ կառավարման սկզբունքների ամրապնդումը: Կազմակերպությունը մասնագիտացված է մարդու իրավունքների պաշտպանության, իրավունքի գերակայության, դատաիրավական, կոռուպցիայի դեմ պայքարի, ինչպես նաև անվտանգության ոլորտի բարեփոխումների իրականացման ծրագրերում: