ՀՀ վարչական դատարանը հերթական անգամ Աշխատանքի և սոցիալական հարցերի նախարարության դեմ քաղաքացու հայց է բավարարել, որով պարտավորեցրել է գերատեսչությանը հաշմանդամության 3-րդ խումբ սահմանել «Իրավունքների պաշտպանություն առանց սահմանների» ՀԿ փաստաբան Նինա Հակոբյանի վստահորդի նկատմամբ։
Դատարանն արձանագրել է, որ Հայաստանի Հանրապետությունը սոցիալական պետություն է, որն օրենսդրորեն երաշխավորել և իրավական պաշտպանության է արժանացրել կենսագործունեության սահմանափակումների հետևանքով սոցիալական պաշտպանության անհրաժեշտություն ունեցող անձանց իրավունքները:
Դատարանը, ի թիվս այլնի, գտել է, որ առողջության պահպանման և կենսագործունեության սահմանափակումների հաղթահարման համար հայցվորին ցուցվել է օրգանիիզմում գլուկոզան չափել օրական 6 անգամ, որը, Դատարանի գնահատմամբ, հնարավոր է իրականացնել օժանդակ միջոցների օգտագործմամբ:
«Առողջության պահպանման և կենսագործունեության սահմանափակումների հաղթահարումը՝ ինքնասպասարկման ապահովման ունակությունը կարող ապահովվել օժանդակ միջոցների օգտագործմամբ, ինչը հանգեցնում է ինքնասպասարկման ապահովման 1-ին աստիճանի ունակության սահմանափակման, հետևապես հաշմանդամության խումբ սահմանելու և վարչական ակտն անվավեր ճանաչելու մասին պահանջը ենթակա է բավարարման», – ասվում է վճռում:
Ավելի վաղ, «Իրավունքներրի պաշտպանություն առանց սահմանների» ՀԿ-ի երկու այլ վստահորդի նույնաբովանդակ հայց էր բավարարվել։
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
