Զեկույցը պատրաստվել է 2019թ.-ին «Իրավունքների պաշտպանություն առանց սահմանների» ՀԿ կողմից «Բաց հասարակության հիմնադրամներ» Հայաստան կազմակերպության աջակցությամբ:
Իրականացված հետազոտության նպատակն է ներկայացնել ՀՀ դատական իշխանության ինքնակառավարման մարմնի ձևավորման, լիազորությունների, գործունեության իրավական և գործնական համապատասխանությունը ինչպես ՀՀ սահմանադրությանը, այնպես էլ ոլորտին առնչվող միջազգային չափանիշներին, վեր հանել օրենսդրական և պրակտիկ խնդիրներն ու ներկայացնել դրանց լուծմանն ուղղված առաջարկություններ:
Հետազոտության իրականացման ընթացքում կիրառվել են հետևյալ մեթոդները.
Փաստաթղթերի վերլուծություն. իրականացվել է դատական խորհուրդների վերաբերյալ միջազգային կազմակերպությունների մարմինների՝ Եվրոպայի խորհրդի նախարարների կոմիտեի հանձնարարականներով, Վենետիկի հանձնաժողովի կարծիքներով և զեկույցներով, Եվրոպական դատավորների խորհրդակցական խորհրդի կարծիքներով, ԵԱՀԿ շրջանակներում ընդունված հանձնարարականներով և միջազգային այլ մարմինների փաստաթղթերով դատական խորհուրդներին վերաբերող սկզբունքների ու չափանիշների ուսումնասիրություն: Վերլուծվել են ՀՀ սահմանադրությամբ և ՀՀ դատական օրենսգիրք սահմաանադրական օրենքով նախատեսված կարգավորումները և ՀՀ բարձրագույն դատական խորհրդի լիազորությունները վերոգրյալ սկզբունքներին ու չափանիշներին համապատասխանելու տեսանկյունից: Իրականացվել է ՀՀ բարձրագույն դատական խորհրդի գործունեության և 2018 թվականի ընթացքում ընդունված որոշումների ուսումնասիրություն:
Փորձագիտական հարցազրույցներ. Փորձագետների հետ քննարկվել են ՀՀ բարձրագույն դատական խորհրդի լիազորություններին ու գործունեությանը վերաբերող օրենսդրական ու պրակտիկ խնդիրները, դրանց հնարավոր լուծումներին վերաբերող առաջարկությունները:
Վարչական դատարանը 2025թ. հունվարի 16-ին Ներքին գործերի նախարարությանը (ՆԳՆ) պարտավորեցրել
Азербайджанское правосудие применяет сфабрикованные дела и пытки не только по
«Սա միայն այնտեղ գտնվող 23 և հիմա կեղծ դատարանի առաջ
Քաղաքացիական հասարակության ներքոստորագրյալ կազմակերպությունների անունից ողջունում ենք Հայաստանի Հանրապետության և
