Epress-ի կողմից կազմակերպված հաղորդաշարի ընթացքում «Իրավունքների պաշտպանություն առանց սահմանների» ՀԿ նախագահ Հայկուհի Հարությունյանը անդրադարձ է կատարել 2018թ. սեպտեմբերին նախկին փոխոստիկանապետ Լևոն Երանոսյանին առաջադրված մեղադրանքին, 2015թ. «Էլեկտրիկ Երևանի», 2016թ. հուլիսյան իրադարձությունների, 2018թ. ապրիլյան դեպքերի ընթացքում արձանագարված մարդու իրավունքների խախտումներին:
Հայկուհի Հարությունյանի խոսքերով, ըստ հրապարակված պաշտոնական տեղեկատվության, Լևոն Երանոսյանին առաջադրված մեղադրանքի շրջանակը առնչվում է այն փաստերին, որ նրա կողմից 2018թ. ապրիլի 16-ին և 22-ին օգտագործվել է հատուկ միջոց, որի օգտագործման իրավունքը նա չի ունեցել: Հատուկ միջոց կիրառելու արդյունքում Երանոսյանը վնասվածքներ է հասցրել հավաքի մասնակից քաղաքացիական անձանց: Սակայն մեղադրանքի շրջանակը սահմանափակվել է միայն 2018թ. ապրիլի 16-ի դրվագով, մնացած բոլոր դրվագներով նույն 2018թ. ապրիլի դեպքերի վերաբերյալ որևէ կերպ նրա գործողությունները կամ անգործությունը քննության առարկա չեն դարձել: մի շարք հարցեր, թե ինչու՛ է այդքան ոստիկանական ուժ կենտրոնացվել, ո՛վ է տրամադրել հատուկ միջոցներ, ի՛նչ հիմքով, ի՛նչ հրահանգով են կիրառվել հատուկ միջոցներ, քննության առարկա չեն դարձել:
Հայկուհի Հարությունյանի գնահատմամբ առկա են եղել մարդու իրավունքների բազմաթիվ խախտումներ, և միայն մեկ անձին փոքր դրվագով պատասխանատվության ենթարկելու փորձը երբեք չի փոխհատուցի բոլոր քաղաքացիների խախտված իրավունքները.
« … 2018թ. ապրիլյան դեպքերի ընթացքում միայն թեժ գիծ են ստացվել հազարից ավելի քաղաքացիների զանգեր, ովքեր անօրինական բերման են ենթարկվել և պահվել ոստիկանական բաժանմունքներում ավելի քան 10 ժամ, ենթարկվել են վատ վերաբերմունքի՝ ֆիզիկական բռնությամբ, ճնշումների, սպառնալիքների և արժանապատվությունը նվաստացնող վատ վերաբերմունքի տեսքով: Սա ժխտել նախաքննության մարմինը չի կարող, բայց թե ինչու սրա ուղղությամբ որակյալ և արդյունավետ քննություն չի իրականացվում, այս հարցի պատասխանը ակնկալում ենք ստանալ քաղաքական որոշում կայացնող մարմիններից»-ասաց Հ. Հարությունյանը:
Հ. Հարությունյանի տեղեկացմամբ 2015թ. «Էլեկտրիկ Երևանի», 2016թ. հուլիսյան իրադարձությունների (հուլիսի 18-30), 2018թ. ապրիլյան դեպքերի վերաբերյալ մի խումբ իրավաբանների կողմից ներկայացվել են գանգատներ Մարդու իրավունքների Եվրոպական դատարան, որոնք գրանցվել են վերջինիս կողմից:
Նրա խոսքերով ներկայացված փաստերը անհերքելի են և Մարդու իրավունքների Եվրոպական դատարանը արձանագրելու է, որ տեղի են ունեցել պետության կողմից հավաքների ազատության, ազատ տեղաշարժի և ազատության անձեռնամխելիության, խոշտագումներից զերծ մնալու, իրավական պաշտպանության իրավունքի խախտումներ, և որ ամենավատն է, Հայաստանի Հանրապետությունը այս բոլոր դեպքերով պետության համար արդյունավետ պաշտպանություն չի արձանագրել:
Այս խախտումների փունջը հետհեղափոխական իշխանությունների համար պետք է անընդունելի լինի:
«Մենք առաջարկում ենք, որ սա ոչ միայն իրավական այլ քաղաքական գնահատականի և օրակարգի հարց դառնա: Առաջինը՝ հեղափոխական իշխանությունը իսկապես ընդունի և այն փաստերը, որ կան նախաքննության մարմինների զուտ իրավական միջոցներով ձեռքբերված տվյալների հիմքում ճանաչի այս բոլոր իրավունքների խախտումը հրապակային կերպով: Այնուհետև, մշակվի ճանաչման գործընթացի իրավական գործընթացին համարժեք փոխատուցում տրամադրելու մեխանիզմ, երբ ինքը իր քաղաքացիների իրավունքների պաշտպանության համար ողջամիտ քայլեր ձեռնարկի: Այս նույն պահանջները, միևնույն է, առաջադրվելու են Մարդու իրավունքների Եվրոպական դատարանի կողմից: Մեր առաջարկած հաշտեցման տարբերակը այս պահին ավելի ողջամիտ է: Մենք, ունենալով մի իրավիճակ, որ պետությունը, ճանաչելով իրավունքների խախտումները, կձևավորի տուժող քաղաքացիների վստահությունը իր նկատմամբ, կամրագի, որ նման խախտումների նկատմամբ մենք անհանդուրժող ենք, ոստիկանության պատժելիության նկատմամբ կձևավորվի խիստ պահանջատեր վերաբերմունք, և որ ամենակարևորն է՝ քաղաքացիները իսկապես իրենց պաշտպանված կզգան՝ ստանալով փոխատուցում ոչ միայն իրենց կրած նյութական, այլ նաև հոգեբական և բարոյական վնասների համար: Հեղափոխական իշխանությունների կողմից դրսևորվող պասիվ վարքագիծը տարակուսանքի տեղիք է տալիս: Արդյոք մենք շարունակում ենք զարգացումը մարդու իրավունքների սկզբունքների նկատմամբ հարգանք ձևավորելով, թե մենք շարունակում ենք անտեսել և մի քիչ էլ հովանավորյալ վերաբերմունք դրսևորել ոստիկանության նկատմամբ, նրանց ծառայություններից օգտվելով՝ ներել այլ բոլոր խախտումները, որոնք թույլ են տրվել նախկին իշխանությունների կողմից»:
Հայկուհի Հարությունյանը, եզրափակելով իր խոսքը, կոչ արեց գործող իշխանություններին՝ ձեռնարկելու հաշտեցման միջոցներ բոլոր այն քաղաքացիների հետ, որոնք տուժել են ոստիկանության անօրինական գործողություններից.
«Հակառակ դեպքում մենք ունենալու ենք 55 և ավելի գործերով որոշումներ՝ կայացված Մարդու իրավունքների եվրոպական դատարանի կողմից, որտեղ բոլոր խախտումները արձանագրվելու են»-ասաց Հ. Հարությունյանը:
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
