Հանրային կապերի/հաղորդակցության մասնագետ

«Իրավունքների պաշտպանություն առանց սահմանների» հասարակական կազմակերպությունն համագործակցության է հրավիրում հանրային կապերի/հաղորդակցության մասնագետի։

Ծառայությունների մատուցման ժամկետը՝ 10 ամիս։

Ծառայությունների մատուցման վայրը` ք. Երևան

Հաղորդակցության համակարգողը պատասխանատու է լինելու կազմակերպության արդյունավետ հաղորդակցության և արտաքին աշխարհի հետ կապի համար:

Հիմնական պարտականություններն են՝

• Կազմակերպության հաղորդակցության ռազմավարության և պլանի մշակում,
• Կազմակերպության սոցիալական հարթակներում էջերի վարում, բովանդակության պատրաստում,
• Մամլո հաղորդագրությունների, հայտարարությունների, սոցիալական ցանցերում հրապարակումների պատրաստում, խմբագրում և տարածում,
• Կազմակերպության գործունեության և արդյունքների վերաբերյալ արտաքին հաղորդակցման և հանրային կապերի իրականացում և համակարգում,
• ԶԼՄ-ների հետ կապերի ստեղծում և հաստատում,
• Կազմակերպության վերաբերյալ հրապարակումներին/լուսաբանման արդյունքների ամփոփում,
• Ոլորտին վերաբերող՝ Կազմակերպության ղեկավարի կողմից հանձնարարվող այլ առաջադրանքների կատարում:

Թեկնածուին ներկայացվող պահանջներն են՝

• Մասնագիտական կրթություն հաղորդակցման, հանրային կապերի կամ լրագրության ոլորտում,
• Նվազագույնը 4 տարվա մասնագիտական աշխատանքային փորձ հանրային կապերի կամ համապատասխան այլ ոլորտում,
• Որակյալ մասնագիտական նյութեր գրելու ապացուցված կարողություն,
• Հայերեն և Անգլերեն գրավոր և բանավոր խոսքի տիրապետում,
• Համակարգչային և առցանց հաղորդակցման հմտություններ,
• Սոցիալական ցանցերում տեղեկությունների հրապարակման, տարածման փորձ,
• Լուսանկարչության հիմունքների տիրապետում և լուսանկարելու հմտություններ,
• Հաղորդակցման ունակություններ,
• Պլանավորման ունակություններ և ժամանակի կառավարում,
• Նախաձեռնողականություն, ազնվություն և բարեխղճություն,
• Անհատական և թիմային աշխատանքի կարողություն
• Պատասխանատվության բարձր զգացողություն:

Ինչպես դիմել

Հետաքրքվող և վերոգրյալ պահանջներին համապատասխանող անձանց խնդրում ենք ուղարկել Ձեր ինքնակենսագրականը և հետաքրքրության նամակը info@prwb.am հասցեին մինչև 2025թսեպտեմբերի 15-ը՝ էլեկտրոնային նամակի թեմայում նշելով Հանրային կապերի /հաղորդակցության մասնագետ վերնագիրը: