Մշտադիտարկող

«Իրավունքների պաշտպանություն առանց սահմանների» հասարակական կազմակերպությունը համագործակցության է հրավիրում մշտադիտարկողների` ՀՀ հակակոռուպցիոն դատարանում քննվող գործերի մշտադիտարկում իրականացնելու նպատակով: Ծառայության տևողությունը մինչև 7 ամիս։

Թեկնածուն պետք է ունենա գիտելիքներ ՀՀ քաղաքացիական իրավունքի, դատավարության, մարդու իրավունքների և հիմնարար ազատություններին ուղղված Հայաստանի Հանրապետության միջազգային պարտավորությունների առնչվող Հայաստանի Հանրապետության ներպետական օրենսդրական կարգավորումների վերաբերյալ:

Մշտադիտարկողի հիմնական պարտականությունները.

1. Դատարանում նիստերի մշտադիտարկումների և դատալեքս համակարգում տեղադրված ակտերի ուսումնասիրության հիման վրա սահմանված ժամկետներում լրացնել համապատասխան տվյալների շտեմարաններ,
2. Պատրաստել գործերի վերաբերյալ հաշվետվություն,
3. Մասնակցել մշտադիտարկումների վերաբերյալ Կազմակերպության կողմից անցկացվող վերապատրաստմանը, քննարկումներին և աշխատաժողովներին:

Անհրաժեշտ որակավորում, հմտություններ.

Բարձրագույն կրթություն կամ վերապատրաստում իրավագիտության կամ մարդու իրավունքների, հանրային կառավարման ոլորտներում։ Բակալավրիատի վերջին կուրսի ուսանողների հայտերը նույնպես կդիտարկվեն՝ համապատասպան գիտելիքի առկայության դեպքում։

• Տվյալներ հավաքագրելու հմտություններ,
• Գրավոր և բանավոր հաղորդակցվելու հմտություններ,
• Համակարգչային հմտություններ,
• Վերլուծական և հետազոտական հմտություններ,
• Պատասխանատվության բարձր զգացողություն և բարեխղճություն,
• Թիմային և անկախ աշխատելու կարողություն,
• Նախաձեռնողականություն:

Հետաքրքրվող և վերոգրյալ պահանջներին համապատասխանող անձանց խնդրում ենք ուղարկել ինքնակենսագրականը և մոտիվացիոն նամակը info@prwb.am էլեկտրոնային փոստի հասցեին մինչև 2025 թ. սեպտեմբերի 10-ը՝ նամակի թեմայում նշելով Մշտադիտարկող վերնագիրը:

Մրցույթի առաջին փուլը հաղթահարած անձինք կհրավիրվեն հարցազրույցի: