ԻՊԱՍ-ը՝ ԱՊՐԻ Արմենիայի ֆորումին

«Իրավունքների պաշտպանություն առանց սահմանների» ՀԿ-ի իրավական հարցերով փորձագետ Հասմիկ Հարությունյանը, որպես բանախոս, սեպտեմբերի  25-ին մասնակցել է ԱՊՐԻ Արմենիայի 2026թ․ երևանյան համաժողովի՝ Հայաստանի քաղաքացիական հասարակության կազմակերպությունների վերահսկողական գործառույթի վերաիմաստավորումը թեմայով պանելային քննարկմանը։

Հասմիկ Հարությունյանն իր խոսքում անդրադարձել է ՔՀԿ-ների և պետական մարմինների համագործակցության, ինչպես նաև հանրային վերահսկողության խնդիրներին։

«Անհրաժեշտ է, որ երկխոսությունը կառուցված լինի ոչ թե անձնական հարաբերությունների, այլ կայուն և կանխատեսելի ինստիտուցիոնալ մեխանիզմների վրա», — ընդգծել է նա։ 

Խոսելով հնչեղ քրեական գործերի շրջանակում ՔՀԿ-ների կողմից իրականացվող հանրային վերահսկողության մասին՝  իրավական հարցերով փորձագետը նշել է․

«Երբ կա հետևողական մասնագիտական արձագանք, իրավական հիմնավորում և հանրային ուշադրություն, ապա դա կարող է ազդեցություն ունենալ կոնկրետ իրավական գործընթացների վրա»։

Հասմիկ Հարությունյանի խոսքով՝ ՔՀԿ-ների ազդեցությունը պետք է ամրապնդվի այնպիսի իրավական և ինստիտուցիոնալ երաշխիքներով, որոնք չեն պայմանավորվի առանձին գործերի հնչեղությամբ կամ հանրային ուշադրության ծավալով։ 

Լուսանկարները՝ APRI Armenia