Դատական անկախության վերաբերյալ ԻՊԱՍ-ի  դիտարկումները տեղ են գտել ՄԱԿ-ի զեկույցում

«Իրավունքների պաշտպանություն առանց սահմանների» ՀԿ-ն ՄԱԿ-ի Դատավորների և իրավաբանների անկախության հարցերով հատուկ զեկուցողին է ներկայացրել ՀՀ-ում դատավորների ընտրության և նշանակման հարցը կարգավորող սկզբունքների, չափանիշների և գործունեության վերաբերյալ  զեկույց:

Հատուկ զեկուցողն իր Դատավորների ընտրության սկզբունքների վերաբերյալ թեմատիկ զեկույցում ամփոփել է երկրների փորձն ու սահմանել դատավորների ընտրության նվազագույն երաշխիքները՝ ի ապահովումն գործընթացի անկախության և անկողմնակալության և հանրային վստահության։

Սա կարևոր հնարավորություն էր միջազգային մակարդակում բարձրաձայնելու Հայաստանի դատական համակարգին առնչվող հարցերը և նպաստելու ոլորտում չափանիշների զարգացման և առաջխաղացմանը։
Զեկույցին և մյուս մանրամասներին կարող եք ծանոթանալ այստեղ։