Բրյուսելում քննարկվեցին Հայաստանի ԵՄ անդամակցության հեռանկարները

«Իրավունքների պաշտպանություն առանց սահմանների» (ԻՊԱՍ) ՀԿ-ի իրավական հարցերով փորձագետ Հասմիկ Հարությունյանը դեկտեմբերի 4-ին Բրյուսելում մասնակցեց «Հայաստանի մարտահրավերներն ու հնարավորությունները ԵՄ անդամակցության ճանապարհին. արդյո՞ք Հայաստան-ԵՄ համապարփակ և ընդլայնված գործընկերության համաձայնագրի (CEPA) ներդրումը նախապայման է Հայաստանի կողմից ԵՄ անդամակցության դիմումը ներկայացնելու համար» խորագրով քննարկմանը: 

Հասմիկ Հարությունյանը պանելային քննարկմանը ներկայացրեց մարդու իրավունքների պաշտպանության վիճակի և  Մարդու իրավունքների ռազմավարության իրականացման վերաբերյալ դիտարկումներ՝ նշելով հիմնական բացթողումները, մարտահրավերները և CEPA-ի շրջանակներում Հայաստանի պարտավորությունների կատարումը առաջ մղելու համար անհրաժեշտ բարեփոխումները:

Նա ընդգծեց, որ իրավունքների իրական պաշտպանությունը և արդյունավետ, թափանցիկ բարեփոխումների մեխանիզմների ստեղծումը Հայաստանի ԵՄ ինտեգրման ճանապարհի կարևոր հիմնասյուներն են:

Պանելային քննարկմանը մասնակցել են քաղաքացիական հասարակության  այլ ներկայացուցիչներ: