Դասընթաց Արցախից բռնի տեղահանված հասարակական կազմակերպությունների և ակտիվիստների

«Իրավունքների պաշտպանություն առանց սահմանների» հասարակական կազմակերպությունը կազմակերպում է մեկօրյա դասընթաց, որը նպատակ ունի աջակցել Լեռնային Ղարաբաղից տեղահանված և Հայաստանում գործող հասարակական կազմակերպություններին և ակտիվիստներին՝ բռնի տեղահանված անձանց իրավունքների պաշտպանության և շահերի պաշտպանության ոլորտում կարողությունների զարգացմանը։

Դասընթացին մասնակցածա անձինք հնարավորություն կունենան հետագայում դասընթացավարների հետ համատեղ մշակել և իրականացնել ջատագովության միջոցառումներ՝ իրենց նախընտրած խնդիրների վերաբերյալ։

Ո՞վ կարող է դիմել՝

Մասնակցությունը բաց է Լեռնային Ղարաբաղից տեղահանված՝ ՀՀ բոլոր մարզերում և Երևան քաղաքում գործող հասարակական կազմակերպությունների համար, որոնք աշխատում են Հայաստանում բնակվող բռնի տեղահանված անձանց հետ։

Մասնակցության համար կարող են դիմել նույն կազմակերպություն ներկայացնող առավելագույնը երկու անձ։

Ե՞րբ և որտեղ է տեղի ունենալու դասընթացը՝ 2025թ. Հուլիսի 1-ին Երևանում։

Դասընթացը ներառելու է ինչպես տեսական, այնպես էլ պրակտիկ աշխատանք։

 Մասնակցությունը անվճար է։

Մասնակցության համար անհրաժեշտ է մինչև հունիսի 26-ը ներառյալ լրացնել դիմում-հայտը։

Հարցերի դեպքում խնդրում ենք զանգահարել +37498 505 303 հեռախոսահամարով կամ գրել info@prwb.am էլեկտրոնային հասցեին։

Դասընթացը իրականացվում է «Ֆրիդրիխ-Էբերտ-Հիմնադրամ» Հայաստանյան մասնաճյուղի աջակցությամբ։