Վաղուց չենք տեսել գերիների մասով որևէ դատապարտող անգամ փոստ միջազգային հանրության կողմից, քանի որ ճնշում չկա. փորձագետ

«Ցավալի և մտահոգիչ է, որ Ադրբեջանը ծանուցել է Կարմիր Խաչի միջազգային կոմիտեին, որ նպատակահարմար չի գտնում իր տարածքում կազմակերպության գործունեությունը։ Ամեն ինչ պետք է անենք, որ ԿԽՄԿ-ն մնա Ադրբեջանում»,-  «Մեդիա կենտրոնում» «ՀՀ իշխանությունն ի՞նչ միջոցներ կարող է ձեռնարկել Բաքվում պահվող հայերի ազատության համար» թեմայով քննարկմանն ասաց «Իրավունքների պաշտպանություն առանց սահմանների» ՀԿ-ի իրավական հարցերով փորձագետ Աննա Մելիքյանը։

Նա նշեց, որ նման լուրեր տարածվում են ՄԱԿ-ի որոշ գործակալությունների մասով, ինչն ակնհայտորեն ցույց է տալիս, որ գնալով  Ադրբեջանը մեկուսացվում է, փորձում է  սահմանափակել միջազգային ներկայությունը, իրազեկվածությունը կատարվող գործընթացների մասին։

«Ադրբեջանն ամեն ինչ անելու է, որպեսզի սահմանափակի հայ գերիների մասին տեղեկությունը, մենք էլ պետք է աշխատենք, որ ուրիշներն էլ փորձեն հասանելիություն ստանան։ Վաղուց չենք տեսել որևէ դապարատող անգամ փոստ միջազգային  իրավապաշտպան կազմակերպությունների կողմից, էլ չասեմ միջազգային, միջկառավարական կազմակերպություններից։

Սա ցույց է տալիս, որ իրենց համար էլ այլևս օրակարգային չէ այդ հարցը, քանի որ ճնշում չկա»,- ասաց Ա. Մելիքյանը։

Ըստ նրա, Բաքվի բանտում  Արցախի Հանրապետության նախկին պետնախարար Ռուբեն Վարդանյանի հացադուլը ինֆո պատրվակ դարձավ, ճիչ է, որպեսզի փոքր-ինչ ուշադրություն դարձվի միջազգային հանրության, ԶԼՄ-ներից կողմից, որպեսզի կրկին խոսեն հայ գերիների մասին։

Աղբյուրը՝ https://www.panorama.am/