Դասընթաց Արցախից բռնի տեղահանված  իրավաբանների/փաստաբանների համար

«Իրավունքների պաշտպանություն առանց սահմանների» հասարակական կազմակերպությունը  կազմակերպում է դասընթացների շարք, որը նպատակ ունի ամրապնդել Լեռնային Ղարաբաղից տեղահանված իրավաբանների մասնագիտական կարողությունները և գիտելիքները քրեական իրավունքի և քրեական դատավարության ոլորտում։

Դասընթացներն ուղղված են քրեական իրավունքի ոլորտում Հայաստանի Հանրապետության օրենսդրական փոփոխությունների և պրակտիկայի զարգացումների վերաբերյալ մասնակիցների գիտելիքների ամրապնդմանը և կարողությունների զարգացմանը։

Դասընթացի տևողությունը երեք օր է, որը տեղի են ունենալու 2025թ. մարտ ամսին Երևանում։ Եռօրյա ուսուցումն անցկացվելու է հայերենով և անվճար է։ Դասընթացի բոլոր օրերին և ամբողջական ծրագրին մասնակցությունը պարտադիր է։ Կազմակերպությունը հոգում է մարզերից մասնակիցների տրանսպորտային և կեցության ծախսերը։

Դասընթացը ներառելու է նաև ինքնակենսագրություն գրելու և աշխատանքային հարցազրույցի մասնակցելու կարողությունների զարգացման մոդուլ։

Ո՞վ կարող է դիմել

Ընդունելությունը բաց է Լեռնային Ղարաբաղից տեղահանված՝ ՀՀ բոլոր մարզերում և Երևան քաղաքում բնակվող իրավաբանների և փաստաբանների համար, որոնք աշխատում են կամ պատրաստվում են աշխատել որպես փաստաբան/իրավաբան կամ աշխատանքի անցնել ՀՀ իրավապահ կամ արդարադատության համակարգում։

Լավագույն ունկնդիրները հնարավորություն կստանան ունենալու երկամսյա աշխատանքային փորձառության հնարավորություն ՀՀ իրավաբանական ծառայություններ մատուցող կազմակերպությունների, հասարակական կազմակերպությունների մասնագետների կողմից:

Մասնակցության համար անհրաժեշտ է մինչև հունվարի 25-ը ներառյալ լրացնել դիմում-հայտը։

Հարցերի դեպքում խնդրում ենք զանգահարել +37498 505 303 հեռախոսահամարով կամ գրել info@prwb.am  էլեկտրոնային հասցեին։

Դասընթացներն իրականացվում են Հայաստանում ԱՄՆ Դեսպանատան աջակցությամբ։