«Իրավունքների պաշտպանություն առանց սահմանների» հասարակական կազմակերպությունը մեկնարկում է եռօրյա դասընթացների շարք, որը նպատակ ունի ամրապնդել Լեռնային Ղարաբաղից տեղահանված իրավաբանների մասնագիտական կարողությունները քրեական և վարչական իրավունքի, ինչպես նաև մարդու իրավունքների միջազգային իրավունքի ոլորտներում:
Եռօրյա դասընթացները տեղի են ունենալու 2025թ. փետրվար-ապրիլ ամիսներին Երևանում։
Ընդունելությունը բաց է Լեռնային Ղարաբաղից տեղահանված՝ ՀՀ բոլոր մարզերում և Երևան քաղաքում բնակվող իրավաբանների և փաստաբանների համար: Եռօրյա ուսուցումն անցկացվելու է հայերենով և անվճար է։ Դասընթացի ամբողջական ծրագրի մասնակցությունը պարտադիր է։ Կազմակերպությունը հոգում է մարզերից մասնակիցների տրանսպորտային և կեցության ծախսերը։
Լավագույն ունկնդիրները կստանան երկամսյա մենթորության հնարավորություն ՀՀ իրավաբանական ծառայություններ մատուցող կազմակերպությունների, հասարակական կազմակերպությունների մասնագետների կողմից:
Մասնակցության համար անհրաժեշտ է մինչև նոյեմբերի 30-ը ներառյալ լրացնել դիմում-հայտը։
Հարցերի դեպքում խնդրում ենք զանգահարել +37498 505 303 հեռախոսահամարով կամ գրել info@prwb.am էլեկտրոնային հասցեին։
Դասընթացները իրականացվում են Հայաստանում ԱՄՆ Դեսպանատան աջակցությամբ։
Կազմակերպության մասին
«Իրավունքների պաշտպանություն առանց սահմանների» հասարակական կազմակերպությունը հիմնադրվել է 2009 թվականին: Կազմակերպության առաքելությունն է բարձրացնել Հայաստանի Հանրապետությունում մարդու իրավունքների պաշտպանության արդյունավետությունը, իրավունքի գերակայության և լավ կառավարման սկզբունքների ամրապնդումը: Կազմակերպությունը մասնագիտացված է մարդու իրավունքների պաշտպանության, իրավունքի գերակայության, դատաիրավական, կոռուպցիայի դեմ պայքարի, ինչպես նաև անվտանգության ոլորտի բարեփոխումների իրականացման ծրագրերում:
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
