«Հանրային աշխատանքները՝ որպես վերականգնողական արդարադատության արդյունավետ միջոց» թեմայով քննարկում
![](https://prwb.am/wp-content/uploads/2024/07/1719582320783-scaled.jpg)
2024թ․-ի հունիսի 27-ին տեղի ունեցավ «Իրավունքների պաշտպանություն առանց սահմանների» հասարակական կազմակերպության կողմից իրականացված «Հանրային աշխատանքները՝ որպես վերականգնողական արդարադատության արդյունավետ միջոց» ենթադրամաշնորհային ծրագրի եզրափակիչ շնորհանդեսը և հանրային քննարկումը: Ենթադրամաշնորհային ծրագիրը իրականացվել է Եվրոպական միության ֆինանսական աջակցությամբ ընթացող «Հայաստանում արդարադատության ոլորտի բարեփոխումների մշտադիտարկում» ծրագրի շրջանակում։
Հանդիպման նպատակը ծրագրի շրջանակում իրականացված հետազոտության արդյունքների հիման վրա պատրաստված Զեկույցի և Քաղաքականության համառոտագրի ներկայացումն էր, ուր զետեղված են Հայաստանի Հանրապետությունում հանրային աշխատանքներ պատժատեսակի օրենսդրական կարգավորումների, պրակտիկ կիրառելիության խնդիրների, արդյունավետության, միջազգային փորձին վերաբերող հարցեր, չափանիշներ ու դիտարկումներ։
Մեկ տարի տևողությամբ ծրագիրը իրականացվել է ՀՀ 3 մարզերում և Երևանում, որպես շահառուներ ներգրավված են եղել դատավորներ, դատախազներ, փաստաբան, գործատուներ Պրոբացիայի ծառայության շահառուներ և ծառայողներ:
Քննարկմանը ներկա էին Հայաստանի Հանրապետության Պրոբացիայի ծառայության, Գլխավոր դատախազության, Ազգային ժողովի, Մարդու իրավունքների պաշտպանի աշխատակազմի, Փաստաբանների պալատի, պետական և համայնքային այլ մարմինների, գործատու կազմակերպությունների, քաղաքացիական հասարակության կազմակերպությունների ներկայացուցիչներ։
Քննարկման ընթացքում անդրադարձ կատարվեց հանրային աշխատանքներ պատժատեսակի նշանակման և կատարման փուլերում առկա առանձնահատկություններին և խնդիրներին, այդ թվում՝ ՀՀ օրենսգրքով հանրային աշխատանքներ պատժատեսակի կարգավորումներին, հանրային աշխատանքների տեսակներին, գործատու կազմակերպությունների հետ համագործակցության և վերահսկողության մեխանիզմներին, այս պատժատեսակի կատարման այլ առանձնահատկություններին, ինչպես նաև հետազոտական թիմի առաջարկներին։ Քննարկման ընթացքում ոլորտում գործունեություն իրականացնող մարմինների և կառույցների ներկայացուցիչների կողմից հնչեցին դիտարկումներ և կարծիքներ հանրային աշխատանք պատժատեսակի ոլորտային խնդիրների վերաբերյալ և ներկայացվեցին առաջարկություններ։
Հարց ու պատասխանի, վերլուծությունների և կառուցողական համագործակցության հենքով իրականացված հանդիպման արդյունքում որոշվեց հետազոտության Զեկույցում և Քաղաքականության համառոտագրում իրականացնել որոշակի լրամշակումներ։
Հաջորդիվ պլանավորվում է «Հանրային աշխատանքները՝ որպես վերականգնողական արդարադատության արդյունավետ միջոց» ծրագիր Զեկույցում դուրս բերված խնդիրների և դրանց լուծումների առաջարկությունների փաթեթը, «Հայաստանում արդարադատության ոլորտի բարեփոխումների մշտադիտարկում» ծրագրի շրջանակում ստեղծված Ջուրեմոնիա հարթակի անդամների հետ միասին, ներկայացնել ոլորտի դերակատարներին` ոլորտային բարեփոխումների ապահովման նկատառումով:
Հրապարակվել է «Ինչո՞ւ Լեռնային Ղարաբաղում հայեր չկան» փաստահավաք զեկույցի ամփոփագիրը։
2024թ․-ի հունիսի 27-ին տեղի ունեցավ «Իրավունքների պաշտպանություն առանց սահմանների» հասարակական
«Գտնում եմ, որ բոլոր նռնակները ոչ իրավաչափ են կիրառվել, քանի
Մի կողմից շարունակ արդիական է դատարանների ու դատավորների գերծանրաբեռնվածության հարցը,