ՀՀ վարչական դատարանը բավարարել է «Իրավունքների պաշտպանություն առանց սահմանների» ՀԿ-ի իրավաբան Նինա Հակոբյանի վստահորդիպահանջն ընդդեմ Միասնական սոցիալական ծառայության` հաշմանդամության երրորդ խումբ սահմանելուն պարտավորեցնելու պահանջի մասին։
Հայցվորը ներկայացված հայցադիմումով հայտնել է, որ մանկուց ունի շաքարային դիաբետ, տիպ 1 ախտորոշումը: Նա սահմանված կարգով դիմել է ՀՀ աշխատանքի և սոցիալական հարցերի նախարարության միասնական սոցիալական ծառայություն՝ հերթական անգամ վերափորձաքննություն անցնելու և իր նկատմամբ հաշմանդամության խումբ սահմանելու նպատակով:
Նախարարության, ինչպես նման գործերով դատարան դիմած ԻՊԱՍ մյուս վստահորդների դեպքում, բժշկասոցիալական փորձաքննության և վերափորձաքննության համապատասխան որոշումներով ՄՍԾ-ն հայցվորին չի ճանաչել հաշմանդամություն ունեցող: Վարչական մարմնի անհիմն որոշման պատճառով անձը զրկվել է իր իրավունքները անարգել իրացնելու իրավունքից և երաշխիքներից, որը և հակասում է ՀՀ Սահմանադրությանը և ներպետական օրենքներին։
Արդյունքում դատարանը վճռել է բավարարել ԻՊԱՍ վստահորդի հայցը՝ պարտավորեցնելով Միասնական սոցիալական ծառայությանը վերջինիս նկատմամբ նշանակել հաշմանդամության երրորդ խումբ և անվավեր ճանաչել Ծառայության բժշկասոցիալական փորձաքննական համապատասխան որոշումները:
Գործի մանրամասները՝ այստեղ։
Դատարանը մեկ այլ գործի շրջանակում բավարարել է նաև «Իրավունքների պաշտպանություն առանց սահմանների» ՀԿ-ի իրավաբան Նինա Հակոբյանի վստահորդ Ա.Մ.-ի հայցը՝ ընդդեմ ՀՀ Միասնական սոցիալական ծառայության։
Դատարանն անվավեր է ճանաչել Ծառայության վարչական ակտը՝ պարտավորեցնելով վերջինիս հայցվորի նկատմամբ սահմանել «Հաշմանդամ երեխա» կարգավիճակ մինչև վերջինիս 18 տարին լրանալը, այլ ոչ՝ 1 կամ 2 տարով:
Գործի մանրամասները՝ այստեղ։
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
