«Իրավունքների պաշտպանություն առանց սահմանների» ՀԿ իրավական հարցերով փորձագետ Հասմիկ Հարությունյանը Factor TV-ին հետ զրույցում անդրադարձել է Բաքվում 68-ամյա Վագիֆ Խաչատրյանի շինծու դատավարությանը։
Հարությունյանն ամբողջ գործընթացին հետևելով՝ արձանագրում է՝ Ադրբեջանից արդար դատաքննություն սպասելի չէր։
«Երկրում, որն ունի դատական իշխանության անկախության լրջագույն խնդիրներ, որտեղ հայատյացությունը պետական քաղաքականություն է, ազգությամբ հայի նկատմամբ արդար դատաքննություն ակնկալել հնարավոր չէր», – ասել է Հարությունյանը՝ շեշտելով, որ դատավարության ընթացքում արձանագրվել են բազմաթիվ խախտումներ՝ այդ թվում նաև Եվրոպական կոնվենցիայի 6-րդ՝ արդար դատաքննության իրավունքի վերաբերյալ հոդվածով։
Հոկտեմբերի 13-ին մեկնարկած դատական նիստում հայտարարվեց, որ Վագիֆ Խաչատրյանի շահերը դատարանում կներկայացնի Ռադմիլա Աբիլովան։ Փաստաբանն իր ելույթում, պահելով զուտ ձևական կողմը, խնդրել էր արդարացնել Խաչատրյանին։
Հարությունյանը նշում է՝ դատական նիստին դահլիճում մի քանի տասնյակ մարդկանց ներկայությունն ամենևին էլ չի խոսում գործընթացի իրավական լինելու կամ թափանցիկության մասին։ Թեև առևանգման հենց հաջորդ օրը Խաչատրյանի իրավունքների պաշտպանության վերաբերյալ ՀՀ-ն դիմում էր ներկայացրել Մարդու իրավունքների եվրոպական դատարան՝ Ադրբեջանի նկատմամբ միջանկյալ միջոց կիրառելու պահանջով, այն, սակայն, մերժվել էր։ Ավելի ուշ, Ադրբեջանն արցախցու առողջական վիճակի մասին ՄԻԵԴ-ի պահանջով մանրամասներ էր հայտնել։
Մանրամասները՝ տեսանյութում։
2025թ․ հունվարի 9-ին Հայաստանի Հանրապետության վարչապետը հրապարակում է կատարել, որում,
«Իրավունքների պաշտպանություն առանց սահմանների» հասարակական կազմակերպությունը կազմակերպում է դասընթացների շարք,
«Իրավունքների պաշտպանություն առանց սահմանների» հասարակական կազմակերպության կողմից կազմված «Հակակոռուպցիոն կոմիտեի
ՀՀ Ազգային ժողովի Քաղաքացիական պայմանագիր խմբակցությունը որպես Բարձրագույն դատական խորհրդի
