ԱՍՀ նախարարությունը Վարչական դատարանի վճռով պարտավորեցվել է սահմանել հաշմանդամության խումբ անձի նկատմամբ

ՀՀ վարչական դատարանը բավարարել է ՀՀ քաղաքացու հայցը՝ ընդդեմ ՀՀ աշխատանքի և սոցիալական հարցերի նախարարության՝ պարտավորեցնելով կառույցին հաշմանդամության կարգ սահմանել վերջինիս նկատմամբ։ 

Քաղաքացու շահերը դատարանում պաշտպանել է «Իրավունքներրի պաշտպանություն առանց սահամնների» ՀԿ իրավաբան Նինա Հակոբյանը։ 

Հայցվորի նկատմամաբ մինչև 18 տարեկանը լրանալը պարբերաբար սահմանվել է «հաշմանդամություն ունեցող երեխա» կարգավիճակ՝ 2 տարի ժամկետով։ Սակայն, 2021 թվականին նախարարությունը բժշկասոցիալական փորձաքննության արդյունքում հայցվորին չի ճանաչել հաշմանդամություն ունեցող, թեև անձի առողջական վիճակի փոփոխության որևէ հիմնավորումը բացակայել է։

2021 թվականի փետրվարից շաքարային դիաբետ, տիպ 1 ախտորոշումն ունեցող մի շարք քաղաքացիների հաշմանդամության սահմանումը ևս մերժվել է նախարարության կողմից:  

Ընթացող նման 7 դատական գործով ևս «Իրավունքների պաշտպանություն առանց սահամններ» ՀԿ-ն իրականացնում պաշտպանություն՝ համագործակցելով «Կաթիլ» հիմնադրամի հետ։  Դիտարկված գործերով վերլուծությունը ցույց է տալիս, որ մանկուց այս խնդիրն ունեցող անձանց չափահաս դառնալուն պես Նախարարությունը դադարեցնում է վերջիններիս աջակցության տրամադրումը՝ առողջական վիճակում որևէ փոփոխություն չարձանագրելով։