ՀՀ – ԵՄ համապարփակ և ընդլայնված գործընկերության համաձայնագրի քաղաքացիական հասարակության համատեղ մշտադիտարկման զեկույց

Բաց հասարակության հիմնադրամներ – Հայաստան, Հելսինկյան քաղաքացիական ասամբլեայի Վանաձորի գրասենյակ, Իրավունքների պաշտպանություն առանց սահմանների ՀԿ, Իրավունքի զարգացման և պաշտպանության հիմնադրամ, Թրանսփարենսի ինթերնեշնլ հակակոռուպցիոն կենտրոն, Խտրականության դեմ պայքարի և հանուն հավասարության կոալիցիա, Իրավունքի զարգացման կենտրոն ՀԿ, Ժուռնալիստների «Ասպարեզ» ակումբ, Իրազեկ քաղաքացիների միավորում ՀԿ, Գլոբալիզացիայի և տարածաշրջանային համագործակցության վերլուծական կենտրոն ՀԿ-ները «ՀՀ-ԵՄ միջև Համապարփակ և ընդլայնված գործընկերության համաձայնագրի (ՀԸԳՀ) իրականացման քաղաքացիական հասարակության համատեղ մշտադիտարկումն ու ջատագովությունը հանուն Հայաստանում վստահելի և համակարգային բարեփոխումների» Թբիլիսիում Նիդերլանդների թագավորության դեսպանության աջակցությամբ ծրագրի շրջանակներում ներկայացնում եմ մշտադիտարկման արդյունքները զեկույցի տեսքով։

Այս զեկույցում ներկայացված են ՀՀ-ԵՄ ՀԸԳՀ-ով պայմանավորված ՀՀ կառավարության կողմից գործողությունների քաղաքացիական հասարակության համատեղ մշտադիտարման արդյունքում վերլուծական գնահատականներ։ ՀՀ կառավարության կողմից մշտադիտարկման ենթակա գործողությունները բխում են ՀՀ և ԵՄ-ի միջև Համաձայնագրի շրջանակում մշակված և ընդունված փաստաթղթերից, ներառյալ՝ ՀՀ մարդու իրավունքների պաշտպանության ազգային ռազմավարությունը, դատական և իրավական բարեփոխումների ռազմավարությունը, հակակոռուպցիոն ռազմավարությունը։ Մշտադիտարկման զեկույցը նույնպես ներառում է վերը նշված փաստաթղթերում գործողությունների համատեքստում քաղաքացիական հասարակության կողմից ՀՀ կառավարությանը ներկայացված առաջարկները ու դրանց վերլուծական գնահատականը։

Զեկույցում անդրադարձ կա դատաիրավական բարեփոխումներին, սահմանադրական, ընտրական բարեփոխումներին, կոռուպցիայի դեմ պայքարին, միգրացիայի, ապաստանի տրամադրման և սահմանների տրամադրման հարցերին, առանձին իրավունքներին և դրան ապահովմանն առնչվող գործընթացներին։