Սևծովյան տարածաշրջանի հասարակական կազմակերպությունների 11-րդ ֆորումը «Կառուցել ավելի կայուն քաղաքացիական հասարակություն» խորագրով

2018 թվականի նոյեմբերի 12-14-ը Բրյուսելում անցկացվում է Սևծովյան տարածաշրջանի հասարակական կազմակերպությունների 11-րդ ֆորումը «Կառուցել ավելի կայուն քաղաքացիական հասարակություն» խորագրով, որի հիմնական նպատակն է ուշադրության առարկա դարձնել Սևծովյան Համագործակցությունը, քաղաքացիական հասարակության կողմից կյանքի կոչած ավանդները, ինչպես նաև Սևծովյան տարածաշրջանում քաղաքացիական հասարակության կայունության աճը:

Ֆորումին մասնակցել և ելույթով է հանդես եկել նաև «Իրավունքների պաշտպանություն առանց սահմանների» ՀԿ նախագահ Հայկուհի Հարությունյանը:

Ելույթում Հայկուհի Հարությունյանը խոսել է իր մասնագիտական գործունեության, հասարակական կազմակերպությունների դերի, վերջիններիս միջև համագործակցության կարևորության, և այլ հարցերի մասին:

Հայկուհի Հարությունյանն իր ելույթում անդրադարձել է նաև 2018 թվականի ապրիլին տեղի ունեցած իրադարձություններին. «2015թ., 2016թ. և 2018թ. «թավշյա» հեղափոխության խաղաղ հավաքների և երթերի ժամանակ մենք կենտրոնացրել ենք իրավաբանների խումբ՝ քաղաքացիներին, ոստիկանների կողմից կիրառված դաժան վերաբերմունքից տուժած անձանց իրավական աջակցություն ցուցաբերելու համար: Մենք ներկայացրել ենք ավելի քան 60 բողոք խաղաղ հավաքների մասնակիցների անունից, ինչը ցույց է տալիս խաղաղ հավաքներին մասնակցելու, խոսքի ազատության խախտումների համակարգային բնույթը: Մենք խոսում էինք քաղաքական բանտարկյալների մասին և ներկայացնում նրանց ազգային և միջազգային հարթակներում: Սրանք պարզապես թվեր չեն…» -նշել է Հայկուհի Հարությունյանը:

https://www.facebook.com/BlackSeaNGOForum/posts/1912412518795783?__xts__[0]=68.ARB7BTdWlgWptgXd1610dzEK7I0hSXVActIyE3qLRrHHUWvsJnXsWOPbYKofzVKBSrXQD0tDsxs5xuqbHDU9bNrFIVjhKY5SMHJl_Jx-VAEPXM-vR2N2AQcFtBoIQZA2bDXvNJ7N8-GaME_hlExN1QvM5E77VzypfC1L0tmISqyQ51AqieeLkDwWUbxZDz4Q7rPXbFZSImLzH6p8X8Ws1BG6LMxPeODs7VLUiZPMSWVLezban_vbcTa0mM3FlSHgTyAyOPtegwip4l3YhojB3MevAfxuaRo4kzRAbkcGIdX0t2vCZju5ctwEje5lIL2_ZFsEmjPQBAo3iVF28NllNBsU6Q&__tn__=-R

post

The 11th Black Sea NGO Forum on the Topic “Building a More Resilient Civil Society in the Black Sea Region”