Վ. Թեյմուրազյանի խախտված իրավունքների կապակցությամբ գանգատ է ներկայացվել ՄԻԵԴ

Վ. Թեյմուրազյանը ՀՀ իշխանությունների կողմից դատապարտվել է երեք անգամ և երեք անգամն էլ արդարացվել է: Քրեական հետապնդումների արդյունքում սակայն  Թեյմուրազյանը կորցրել իր աշխատանքն ու բնակարանը:

2009 թվականի մարտի 23-ին Վ. Թեյմուրազյանի խախտված իրավունքների կապակցությամբ գանգատ է ներկայացվել Մարդու իրավունքների եվրոպական դատարան:

Գանգատը ՄԻԵԴ ներկայացվել է «Իրավունքների պաշտպանություն առանց սահմանների» ՀԿ իրավաբանների կողմից:

Գանգատում բարձրացվել է Կոնվենցիայի 6-րդ հոդվածի հարցը, այն հիմքով, որ դիմումատուն զրկված է եղել դատարանի հասանելիության իրավունքից, իսկ կայացված դատական որոշումները անարդարացի են եղել:

Դիմումատուն իրավացիորեն բարձրացրել է նաև Կոնվենցիայի 3-րդ հոդվածի խախտման հարցը: Համաձայն նշված հոդվածի ոչ ոք չպետք է ենթարկվի խոշտանգումների և դաժան, անմարդկային կամ արժանապատվությունը նվաստացնող պատժի կամ վերաբերմունքի: Վ. Թեյմուրազյանը ճանապարհային պետավտոտեսուչների կողմից ենթարկվել է ծեծի և դաժան վերաբերմունքի՝ իր անչափահաս որդու ներկայությամբ, ինչը անդառնալի հետևանքներ է առաջացրել ինչպես իր, այնպես էլ իր ընտանիքի համար:

Միաժամանակ գործով խախտված է համարվում նաև Կոնվենցիայի 5.5 հոդվածը, որի համաձայն յուրաքանչյուր ոք, ով ձերբակալման կամ կալանավորման զոհ է դարձել, փոխհատուցման իրավունք ունի: Սույն գործով այլևս անժխտելի է այն, որ Թեյմուրազյանը 3 անգամ կալանավորվել է, այնուհետ արդարացվել, մինչդեռ փոխհատուցւոմ ստանալու և խախտված իրավունքները վերականգնելու նրա դիմում-բողոքները ամբողջությամբ չեն բավարարվել:

Բարձրացվել է նաև Կոնվենցիային կից առաջին Արձանագրության 1-ին հոդվածի խախտման հարցը, որով երաշխավորվում է սեփականության իրավունքը: Թեյմուրազյանի պնդմամբ իր կալանավորման ընթացքում իրավասու մարմինների կողմից տեղի է ունեցել իրեն պատկանող բնակարանի միջամտություն, ինչի արդյունքում ինքը զրկվել է բնակարանից:

Սույն գործով ՄԻԵԴ-ը գանգատը կոմունիկացրել է ՀՀ Կառավարությանը 2011 թվականի նոյեմբերի 17-ին և 2016 թվականի մարտի 23-ին:

Մանրամասների համար տես՝ http://hudoc.echr.coe.int/eng?i=001-162147

post

A complaint-application was submitted to the ECHR in regard to the violated rights of V. Teymurazyan