Փետրվարի 13-ին Երևանի քաղաքապետարանի ավագանու նիստի ժամանակ Երկիր Ծիրանի կուսակցության անդամները Նուբարաշենի բնակիչների խնդրանքով կոյուղաջուր էին բերել որպես նվեր քաղաքապետ Տարոն Մարգարյանի համար: Անակնկալը ավարտվեց Երկիր Ծիրանի անդամների , մասնավորապես Մարինե Խաչատրյանի նկատմամբ բռնությամբ և հարձակումով:
Փաստաբան Հայկուհի Հարությունյանը, հետևելով իրադարձությունների զարգացմանը, նշում է, որ երկուստեք քրեական գործ է հարուցվել և Երկիր Ծիրանի անդամների նկատմամբ, և ՀՀԿ ավագանու անդամների: Սակայն փաստաբանը մտահոգ է, որ այդ քննությունը կընթանա անարդար:«Պաշտոնական գործունեության նկատմամբ ոտնձգություն է տեղի ունեցել, դա արդեն ենթակա է քննության, անկախ նրանից, թե դա ինչ տեսակի վարույթի շրջանակներում կիրականացվի՝ քրեական, թե վարչական, փաստն այն է, որ կա հանցանք և դա պետք է դառնա քննության առարկա:
Ժողովրդավար պետությունում նման միջադեպից հետո, այդ ամբողջ խմբակցությունը, որը բռնություն է կիրառել, պետք է իր լիազորությունները վայր դնի, առաջին քայլը անխուսափելիորեն նրանց գործառույթների դադարեցում է, հետո պետք է քննություն ընթանա համարժեք պատասխանատվության ենթարկելու հեռանկարով»:
Հայկուհի Հարությունյանի հետ խոսեցինք նաև լրագրողների մուտքը արգելելու քաղաքապետարանի պաշտոնյայի կողմից մեջբերված ներքին կանոնագիրք ասվածի մասին, որով խոչընդոտվել էր լրագրողների մուտքը քաղաքապետարան։
Փաստաբանը առաջարկում է իր մասնագիտական օգնությունը այն լրագրողներին, ովքեր ցանկանում են իրենց իրավունքները պաշտպանել։ Նա կարծում է, որ սա հետաքրքիր նախադեպ կարող է դառնալ առհասարակ ներքին կանոնագրքերին հղում կատարող վարչական մարմինների դեմ լրագրողների իրավունքնների նվաճման գործում։
Աղբյուրը՝ Lragir.am
«Իրավունքների պաշտպանություն առանց սահմանների» ՀԿ-ն՝ գործընկեր կազմակերպությունների հետ համատեղ, ՄԱԿ-ի
ԻՊԱՍ ծրագրերի համակարգող, իրավական փորձագետ Աննա Մելիքյանը մասնակցել է փետրվարի
Հայաստանում գործող քաղաքացիական հասարակության կազմակերպությունները հանդես են եկել համատեղ հայտարարությամբ՝
ԱՄՆ փոխնախագահ Ջեյ Դի Վենսի՝ Հայաստան և Ադրբեջան կատարելիք այցի
