«Իրավունքների պաշտպանություն առանց սահմանների» հասարակական կազմակերպությունը աշխատանքի է հրավիրում մշտադիտարկողների` հանրային կառավարման որակի բարելավմանն ուղղված ծրագրի շրջանակներում ՀՀ վարչական դատարանում գործերի մշտադիտարկում իրականացնելու նպատակով:
Թեկնածուն պետք է ունենա գիտելիքներ մարդու իրավունքների և հիմնարար ազատություններին ուղղված Հայաստանի Հանրապետության միջազգային պարտավորությունների, վարչարարության և վարչական արդարադատությանն առնչվող Հայաստանի Հանրապետության ներպետական օրենսդրական կարգավորումների վերաբերյալ:
Մշտադիտարկողի հիմնական պարտականությունները.
- Իրականացնել կազմակերպության կողմից նախապես ընտրված դատական նիստերի մշտադիտարկում,
- Մշտադիտարկումների հիման վրա սահմանված ժամկետներում լրացնել համապատասխան տվյալների շտեմարաններ,
- Սահմանված ժամկետներում յուրաքանչյուր գործի վերաբերյալ պատրաստել ամփոփում,
- Պատրաստել գործերի վերաբերյալ հաշվետվություն,
- Հետևել դատական նիստերի վերաբերյալ տարածվող տեղեկատվությանը,
- Մասնակցել մշտադիտարկումների վերաբերյալ Կազմակերպության կողմից անցկացվող քննարկումներին և աշխատաժողովներին:
Անհրաժեշտ որակավորում, հմտություններ.
- Բարձրագույն կրթություն կամ վերապատրաստում իրավագիտության կամ մարդու իրավունքների, հանրային կառավարման ոլորտներում
- Տվյալներ հավաքագրելու հմտություններ,
- Գրավոր և բանավոր հաղորդակցվելու հմտություններ,
- Համակարգչային հմտություններ,
- Վերլուծական և հետազոտական հմտություններ,
- Պատասխանատվության բարձր զգացողություն և բարեխղճություն,
- Թիմային և անկախ աշխատելու կարողություն,
- Նախաձեռնողականություն:
Հետաքրքրվող և վերոգրյալ պահանջներին համապատասխանող անձանց խնդրում ենք ուղարկել ինքնակենսագրականը info@prwb.am էլեկտրոնային փոստի հասցեին մինչև 2020 թ. մայիսի 28-ը՝ նամակի թեմայում նշելով Մշտադիտարկող վերնագիրը: Մրցույթի առաջին փուլը հաղթահարած անձինք կհրավիրվեն հարցազրույցի: