Աշխատաժողով. նախադեպերի կիրառումը ՀՀ դատարանների կողմից

2012թ. սեպտեմբերի 15-ին և 19-ին Բեստ Վեսթեռն Կոնգրես հյուրանոցում «Իրավունքների պաշտպանություն առանց սահմանների» հասարակական կազմակերպությունը նախաձեռնեց և իրականացրեց «Մարդու իրավունքների եվրոպական դատարանի նախադեպերի կիրառումը ՀՀ դատարանների կողմից» թեմայով աշխատաժողով: Աշխատաժողովի մասնակիցները հիմնականում գործող իրավաբաններ էին, իրավագետներ և իրավունքի ոլորտի այլ մասնագետներ:

Աշխատաժողովը սկսվեց մասնակիցների կարիքների գնահատմամբ, նրանց առաջարկվեց ներկայացնել իրենց կողմից ՄԻԵԴ նախադեպերի հետ աշխատանքի իրենց փորձը և դրա ընթացքում ծագած հնարավոր խնդիրները: Կազմակերպության նախագահ Սիրանուշ Սահակյանն անդրադարձավ նախադեպի հասկացությանն ու նշանակությանը, ներկայացրեց ՀՀ դատարանների կողմից նախադեպերի կիրառության վերաբերյալ կազմակերպության կողմից իրականացված հետազոտության արդյունքները՝ շեշտելով բացահայտված օրինաչափություններն ու հիմնախնդիրները: Տեսական մասի ամփոփումից հետո անցում կատարվեց մասնակիցների պրակտիկ հմտությունների զարգացմանը. մասնավորապես, ներկայացվեցին ՄԻԵԴ տվյալների բազայում նախադեպերի որոնման սկզբունքներն ու նրբությունները: Դասընթացի այս հատվածը մասնակիցները համարեցին առավել օգտակար ու կարևոր իրենց հետագա աշխատանքի համար:

Աշխատաժողովի երկրորդ մասում տեղի ունեցան նախադեպերի կիրառելիության վերաբերյալ խմբային մի շարք քննարկումներ: Երիտասարդ իրավաբանները սկսեցին ակտիվորեն ուսումնասիրել տրամադրված նախադեպերը և կարծիքներ հայտնել դրանց կիրառելիության վերաբերյալ ներկայացված՝ մարդու իրավունքների նմանատիպ խախտումներով իրավիճակներին:

post

https://prwb.am/2012/09/20/workshop-implementation-case-laws-european-court-human-rights-ra-courts/