Հայտարարություն մշտադիտարկող-հետազոտողի մրցույթի վերաբերյալ 

Ծառայության տևողությունը՝ 6 ամիս

«Իրավունքների պաշտպանություն առանց սահմանների» հասարակական կազմակերպությունը համագործակցության է հրավիրում մշտադիտարկող-հետազոտողի, ով կմիանա կազմակերպության թիմին Հայաստանի Հանրապետության վարչական դատարանում քննված գործերով դատական ակտերի հետազոտման նպատակով: 

Մշտադիտարկող-հետազոտողի հիմնական պարտականությունները.

• Իրականացնել կազմակերպության կողմից նախապես ընտրված դատական ակտերի ուսումնասիրություն,
• Ուսումնասիրության հիման վրա սահմանված ժամկետներում լրացնել համապատասխան դիտարկման քարտերը,
• Դիտարկումների առկայության դեպքում՝ լրամշակել լրացված քարտերը,
• Սահմանված ժամկետներում պատրաստել գործերի վերաբերյալ հաշվետվություն՝ ամփոփելով արձանագրված խնդիրները:

Անհրաժեշտ որակավորում, հմտություններ.

• Բարձրագույն կրթություն իրավագիտության բնագավառում,
• Վարչական դատավարության օրենսդրության իմացություն,
• Նախկինում դատական գործերի մշտադիտարկման փորձը կդիտվի որպես առավելություն
• Համակարգչային հմտություններ,
• Վերլուծական և հետազոտական հմտություններ,
• Պատասխանատվության բարձր զգացողություն և բարեխղճություն,
• Թիմային և անկախ աշխատելու կարողություն,
• Նախաձեռնողականություն։

Հետաքրքրվող և վերոգրյալ պահանջներին համապատասխանող անձանց խնդրում ենք ուղարկել ինքնակենսագրությունը և մոտիվացիոն նամակը info@prwb.am հասցեին մինչև 2026 թ. սեպտեմբերի 25-ը՝ էլեկտրոնային նամակի թեմայում նշելով Մշտադիտարկող-հետազոտող վերնագիրը: Ընտրության փաստաթղթային փուլն անցած թեկնածուները կհրավիրվեն հարցազրույցի:

Պահանջվող փաստաթղթերը չներկայացնելու դեպքում հայտերը չեն դիտարկվելու։