«Իրավունքների պաշտպանություն առանց սահմանների» ՀԿ-ի իրավական հարցերով փորձագետ Հասմիկ Հարությունյանը որպես զեկուցող մասնակցեց Հայաստանի ամերիկյան համալսարանի կողմից մարտի 6-ին կազմակերպված «Արդարադատության ձայներ․ կանայք առաջնորդում են փոփոխությունները մարդու իրավունքների ոլորտում» պանելային քննարկմանը։
Անդրադառնալով Հայաստանում կանանց իրավունքների պաշտպանության ոլորտում առկա բացթողումներին՝ Հասմիկ Հարությունյանը նշեց, որ չնայած օրենսդրական առաջընթացին, այդ թվում՝ «Ընտանեկան բռնության կանխարգելման մասին» օրենքի ընդունմանը, դեռևս մարտահրավերներ կան, մասնավորապես՝ գենդերային բռնության համապարփակ քրեականացման և պաշտպանության մեխանիզմների արդյունավետ կիրառման հարցում։
Նա նաև ընդգծեց քաղաքացիական հասարակության դերը գենդերային հավասարության խթանման գործում՝ ընդգծելով օրենսդրության մշտադիտարկման, գործնականում բացթողումների փաստագրման և քաղաքականության մշակմանը նպաստելու կարևորությունը։
Վկայակոչելով քրեակատարողական հիմնարկների մշտադիտարկման իր փորձը՝ նա անդրադարձավ նաև այն մարտահրավերներին, որոնց բախվում են կին մասնագետները ավանդաբար տղամարդկանց գերիշխող միջավայրերում աշխատելիս, որտեղ կանանց մասնագիտական հեղինակությունը հաճախ ստիպված է լինում հավելյալ ջանքերով հաստատվել։
11.03.2026թ․ Իրավական ակտերի նախագծերի հրապարակման միասնական կայքում հրապարկվել են «Հայաստանի
«Իրավունքների պաշտպանություն առանց սահմանների» ՀԿ ծրագրերի համակարգող Աննա Մելիքյանը մասնակցել
Արցախից բռնի տեղահանված հայերի նկատմամբ ատելության և անհանդուրժողականության մթնոլորտի վերաբերյալ
Մարտի 17-ին Երևանում «Իրավունքների պաշտպանություն առանց սահմանների» ՀԿ-ի նախաձեռնությամբ անցկացվեց
