ԻՊԱՍ ծրագրերի համակարգող, իրավական փորձագետ Աննա Մելիքյանը մասնակցել է փետրվարի 17-ին կայացած Ժողովրդավարական անվտանգության հայաստանյան երրորդ ամենամյա համաժողովին։
Ժողովրդավարության և անվտանգության տարածաշրջանային կենտրոնի կողմից կազմակերպված համաժողովի շրջանակներում քննարկվել են ներքին մարտահրավերները։
Իրավունքի գերակայությանը, մեդիային և ընտրություններին նվիրված երրորդ քննարկման շրջանակում Աննա Մելիքյանը հանդես է եկել որպես բանախոս։ Շեշտվել է 2025 թվականին արձանագրված՝ քրեական արդարադատության գործիքակազմի ընտրովի գործադրման պրակտիկան, հատկապես Եկեղեցու սպասավորների նկատմամբ և արտահայտվելու ազատության իրացման համատեքստում, ինչպես նաև կալանավորումը՝ որպես պատիժ և հանրային իշխանություններին ցանկալի վարքագծի դրսևորման նպատակով գործիք կիրառելը։ Կարևորվել է դատական համակարգի անկախության ապահվոմանն ուղղված երաշխիքների պահմանումը՝ որպես կամայականության և ընտրովի արդարադատության բացառման հենք։
Բացի այդ, պանելային քննարկմանը անդրադարձ է կատարվել կուսակցությունների ֆինանսավորման թափանցիկության խնդիրներին, Հայաստանի դեմ տեղեկատվական գրոհներին և դրանց համար ձևավորվող ենթակառուցվածքներին։
«Իրավունքների պաշտպանություն առանց սահմանների» ՀԿ-ն՝ գործընկեր կազմակերպությունների հետ համատեղ, ՄԱԿ-ի
ԻՊԱՍ ծրագրերի համակարգող, իրավական փորձագետ Աննա Մելիքյանը մասնակցել է փետրվարի
Հայաստանում գործող քաղաքացիական հասարակության կազմակերպությունները հանդես են եկել համատեղ հայտարարությամբ՝
ԱՄՆ փոխնախագահ Ջեյ Դի Վենսի՝ Հայաստան և Ադրբեջան կատարելիք այցի
