Իրավաբանի թափուր հաստիքի մրցույթ

«Իրավունքների պաշտպանություն առանց սահմանների» հասարակական կազմակերպությունն աշխատանքի է հրավիրում Հայաստանի Հանրապետությունում արդարադատության ոլորտի բարեփոխումներով հետաքրքրված, իրավախորհրդատվության տրամադրման և հետազոտություն իրականացնելու փորձ ունեցող, քաղաքացիական և վարչական իրավունքի ոլորտում մասնագիտացած իրավաբանի:

Թեկնածուից պահանջվում է ունենալ գիտելիքներ քաղաքացիական և վարչական արդարադատության ոլորտում գործող օրենսդրության, մարդու իրավունքներին և հիմնարար ազատություններին ուղղված` Հայաստանի Հանրապետության միջազգային պարտավորությունների վերաբերյալ։

Հիմնական պարտականություններն են.

• Կազմակերպությանը դիմած շահառուներին անվճար իրավաբանական խորհրդատվություն տրամադրելը․
• Ոլորտին առնչվող հետազոտություններ իրականացնելը, այդ թվում՝ իրավական վերլուծություն, փորձագիտական հարցազրույցներ և տվյալների հավաքագրում և ամփոփում․
• Վերլուծական նյութեր պատրաստելը և առաջարկություններ մշակելը։

Թեկնածուին ներկայացվող հիմնական պահանջներն են․

• Բարձրագույն կրթություն իրավագիտության ոլորտում,
• Իրավախորհրդատվություն տրամադրելու փորձ,
• Պետական շահերի պաշտպանության և ապօրինի ծագում ունեցող գույքի բռնագանձման ոլորտում գիտելիքները կդիտվեն որպես առավելություն,
• Փաստաբանի արտոնագիր ունենալը կդիտվի որպես առավելություն,
• Մասնագիտական հետազոտություն իրականացնելու և վերլուծություններ կատարելու հիմնավորված փորձ և հմտություններ,
• Հայերենի գերազանց իմացություն, անգլերենի աշխատանքային մակարդակի գիտելիքներ,
• Նախաձեռնողականություն,
• Պատասխանատվության բարձր զգացողություն և բարեխղճություն,
• Թիմում և անկախ աշխատելու կարողություն,
• Միաժամանակ տարաբնույթ առաջադրանքներ կատարելու պատրաստակամություն։

Աշխատանքը իրականացվում է գրասենյակային ձևաչափով և պահանջում է աշխատողի ներկայություն կազմակերպության գրասենյակում։

Աշխատավայրը՝ ք. Երևան, Ամիրյան 11, բն. 24

Հետաքրքվող և վերոգրյալ պահանջներին համապատասխանող անձանց խնդրում ենք ուղարկել Ձեր ինքնակենսագրականը և հետաքրքրության նամակը /հայերեն/ info@prwb.am հասցեին մինչև 2025թ․ նոյեմբերի 20-ը՝ էլեկտրոնային նամակի թեմայում նշելով իրավաբան վերնագիրը:

Փաստաթղթային փուլն անցած թեկնածուները կհրավիրվեն հարցազրույցի:

Հարցազրույցին հրավիրված թեկնածուները պետք է ներկայացնեն նաև իրենց կողմից իրականացված հետազոտական աշխատանքի օրինակ։

Պահանջվող փաստաթղթերը չներկայացնելու դեպքում հայտերը չեն դիտարկվելու։