«Տեղահանված անձանց իրավունքների պաշտպանության» թեմայով դասընթաց

2025թ․ սեպտեմբերի 30-ին մեկնարկել է Իրավունքների պաշտպանություն առանց սահմանների» ՀԿ նախաձեռնությամբ կազմակերպված «Տեղահանված անձանց իրավունքների պաշտպանության» թեմայով դասընթացը, որը նպատակ ուներ խթանելու Լեռնային Ղարաբաղից տեղահանված անձանց իրավունքների պաշտպանությունը՝ կիրառելով Մարդու իրավունքների եվրոպական Կոնվենցիան և Մարդու իրավունքների եվրոպական դատարանի մեխանիզմները։

Դասընթացը վարել է ԻՊԱՍ իրավական հարցերով փորձագետ, ՄԻԵԿ և ՄԻԵԴ հարցերով փորձագետ Հասմիկ Հարությունյանը։

Դասընթացի ընթացքում մասնակիցները հնարավորություն ունեցան զարգացնելու և խորացնելու իրենց մասնագիտական կարողությունները և գիտելիքները՝ Մարդու իրավունքների եվրոպական դատարան դիմելու գործընթացում։

Դասընթացը ներառում էր հետևյալ թեմաները․

• Մարդու իրավունքների եվրոպական դատարանի ընդունելիության կանոնները,
• անձնական կյանքը հարգելու իրավունքի խախտման հիմքով բողոքների ներկայացման առանձնահատկությունները տեղահանված անձանց համատեքստում,
• սեփականության իրավունքի խախտման հիմքով բողոքների ներկայացման առանձնահատկությունները տեղահանված անձանց համատեքստում,
• գործնական պահանջներ և կիրառական քննարկումներ։