Դասընթաց Լեռնային Ղարաբաղից տեղահանված իրավաբանների և փաստաբանների համար

«Իրավունքների պաշտպանություն առանց սահմանների» հասարակական կազմակերպությունը կազմակերպում է դասընթաց, որը նպատակ ունի խթանել Լեռնային Ղարաբաղից տեղահանված անձանց իրավունքների պաշտպանությունը Մարդու իրավունքների եվրոպական Կոնվենցիայի և Մարդու իրավունքների եվրոպական դատարանի մեխանիզմի կիրառմամբ։ Դասընթացը լավ հնարավորություն է իրավաբանների համար՝ զարգացնելու և խորացնելու Մարդու իրավունքների եվրոպական դատարան դիմելու մասնագիտական կարողությունները և գիտելիքները։

Դասընթացի ծրագիրը ներառում է Մարդու իրավունքների եվրոպական դատարանի ընդունելիության կանոնները, ինչպես նաև անձնական կյանքը հարգելու և սեփականության իրավունքի խախտման հիմքով բողոքների ներկայացման առանձնահատկությունները և պրակտիկ պահանջները։

Դասընթացի տևողությունը մեկ և կես օր է, որը տեղի է ունենալու 2025թ․ սեպտեմբերի 30-ին և հոկտեմբերի 4-ին /կես օր/  Երևանում։ Ուսուցումն անցկացվելու է հայերենով և անվճար է։

Ո՞վ կարող է դիմել

Ընդունելությունը բաց է ինչպես Լեռնային Ղարաբաղից տեղահանված իրավաբանների և փաստաբանների համար, այնպես էլ բոլոր այն իրավաբանների համար, ովքեր աշխատում են կամ պատրաստվում են աշխատել Լեռնային Ղարաբաղից բռնի տեղահանման արդյունքում խախտված իրավունքների վերականգման ուղղությամբ։

Մասնակցության համար անհրաժեշտ է մինչև սեպտեմբերի 25-ը ներառյալ լրացնել դիմում-հայտը։

Հարցերի դեպքում խնդրում ենք զանգահարել +37498 505 303 հեռախոսահամարով կամ գրել info@prwb.am  էլեկտրոնային հասցեին։