Իրավաբան-հետազոտող

«Իրավունքների պաշտպանություն առանց սահմանների» հասարակական կազմակերպությունն աշխատանքի է հրավիրում Հայաստանի Հանրապետությունում արդարադատության ոլորտի բարեփոխումներով հետաքրքրված և հետազոտություն իրականացնելու փորձ ունեցող, քաղաքացիական և վարչական իրավունքի ոլորտում մասնագիտացած անձի:

Թեկնածուից պահանջվում է ունենալ գիտելիքներ քաղաքացիական և վարչական արդարադատության ոլորտում մարդու իրավունքներին և հիմնարար ազատություններին ուղղված` Հայաստանի Հանրապետության միջազգային պարտավորությունների վերաբերյալ, Հայաստանի Հանրապետությունում դատաիրավական համակարգի, մարդու իրավունքների և արդարադատության ոլորտների խնդիրների ու կարիքների վերաբերյալ, ծանոթ լինել մարդու իրավունքների և դատաիրավական համակարգին առնչվող օրենսդրությանը և պրակտիկային:

Իրավաբան-հետազոտողի հիմնական պարտականություններն են.

• Ոլորտին առնչվող հետազոտություններ իրականացնելը, այդ թվում՝ իրավական վերլուծություն, փորձագիտական հարցազրույցներ և տվյալների հավաքագրում և ամփոփում․
• Վերլուծական նյութերի պատրաստելը և առաջարկությունների մշակելը․
• Կազմակերպությանը դիմած շահառուներին անվճար իրավաբանական խորհրդատվություն տրամադրելը։

Թեկնածուին ներկայացվող հիմնական պահանջներն են

• Բարձրագույն կրթություն իրավագիտության ոլորտում,
• Իրավախորհրդատվություն տրամադրելու փորձ,
• Պետական շահերի պաշտպանության և ապօրինի ծագում ունեցող գույքի բռնագանձման ոլորտում գիտելիքները կդիտվեն որպես առավելություն,
• Փաստաբանի արտոնագիր ունենալը կդիտվի որպես առավելություն,
• Հետազոտություն իրականացնելու և վերլուծություններ կատարելու հիմնավորված փորձ և հմտություններ,
• Հայերենի գերազանց իմացություն, անգլերենի աշխատանքային մակարդակի գիտելիքներ,
• Նախաձեռնողականություն,
• Պատասխանատվության բարձր զգացողություն և բարեխղճություն,
• Թիմում և անկախ աշխատելու կարողություն,
• Միաժամանակ տարաբնույթ առաջադրանքներ կատարելու պատրաստակամություն։

Հետաքրքվող և վերոգրյալ պահանջներին համապատասխանող անձանց խնդրում ենք ուղարկել Ձեր ինքնակենսագրականը և հետաքրքրության նամակը info@prwb.am հասցեին մինչև 2025թ․ սեպտեմբերի 7-ը՝ էլեկտրոնային նամակի թեմայում նշելով իրավաբան-հետազոտող վերնագիրը:

Ընտրության առաջին փուլն անցած թեկնածուները կհրավիրվեն հարցազրույցի:

Հարցազրույցին հրավիրված թեկնածուները պետք է ներկայացնեն նաև իրենց կողմից իրականացված հետազոտական աշխատանքի օրինակ։