Հարկադրված ցուցմունքները որևէ արժեք չունեն Բաքվի «ապացույցները» ոչ թե գերիների դեմ են, այլ՝ ՀՀ-ի

«Դժվար է պատկերացնել որևէ հարատև խաղաղություն, եթե մեր գերիները մնում են Բաքվում: Եթե մենք համարում ենք, որ պարտք և պահանջ չենք ունենալու խաղաղության պայմանագրի կնքումից հետո, ապա գերիների հարցը պետք է լուծել մինչև այդ: Միևնույն ժամանակ, Բաքվում ընթացող դատավարությունների միջոցով Ադրբեջանը փորձում է կերպար ստեղծել, որ Հայաստանի Հանրապետությունն է հանդիսացել ագրեսոր և կատարել է ենթադրյալ հանցագործություններ: Մինչդեռ դատավարությունների ընթացքում ուժի գործադրման, սպառնալիքի կամ հարկադրման միջոցով տրված ցուցմունքները մեզ համար որևէ արժեք չունեն»,- նշել է ԻՊԱՍ իրավական հարցերով փորձագետ Աննա Մելիքյանը: