Հայ գերիները, չունենալով այլընտրանք, դատարանում ասում են այն, ինչ իրենց մատուցվում է Ալիևի հրահանգով

ԻՊԱՍ իրավական հարցերով փորձագետ Հասմիկ Հարությունյանը անդրադարձել է Բաքվում Արցախի ռազմաքաղաքական ղեկավարության դեմ ընթացող շինծու գործով դատավարություներին ընդգծելով, որ կոպտագույն ձևով խախտվում է դատավարության մասնակիցների արդար դատաքննության իրավունքը, պաշտպանության իրավունքը։

Հ․ Հարությունյանի գնահատմամբ՝ դատավարության մասնակիցները կանգնած են լուրջ ճնշումների առջև և ստիպված են տալ կորզված ցուցմունքներ, որոնք այդ պահին անհրաժեշտ են կեղծ դատավարությունները նախաձեռնած մարմիններին՝ ի դեմս Ալիևի։