Նոյեմբերի 29-30-ը կայացել է «Իրավունքների պաշտպանություն առանց սահմանների» հասարակական կազմակերպության նախաձեռնած «Մարդու իրավունքները վարչական վարույթում» երկօրյա դասընթացը՝ ՀՀ ոստիկանության աշխատակիցների համար։
Դասընթացը վարել են մարդու իրավունքների փորձագետներ Արա Ղազարյանը, Կարեն Տոնոյանը և Աշխեն Դաշյանը:
Ներկայացվել են մարդու իրավունքների և վարչարարության ընդհանուր սկզբունքները՝ ոստիկանության գործունեության հիմնարար սկզբունքների համատեքստում։ Փորձագետները ներկայացրել են նաև մարդու իրավունքների թեման ներխուժումը կանխելու կամ վերացնելու վարույթի, ճանապարհային երթևեկության անվտանգության ապահովման, հավաքների ազատության համատեքստում: Անդրադարձ է եղել ընտանեկան բռնության ենթարկված անձանց պաշտպանության և վարչական վարույթում անչափահասների իրավունքների ապահովման առանձնահատկություններին։
Դասընթացի շրջանակում քննարկվել է նաև Ոստիկանության վարչարարության վիճարկման դատական պրակտիկայի թեմային, որը ներկայացրել է ՀՀ վարչական դատարանի նախագահ Արգիշտի Ղազարյանը։
Դասընթացները կրում են պարբերական բնույթ և ուղղված են պետական և տեղական ինքնակառավարման մարմինների կարողությունների զարգացման միջոցով հանրային կառավարման որակի բարելավմանը:
Դասընթացների շարքն իրականացվում է Ժողովրդավարության ազգային հիմնադրամի (NED) ֆինանսական աջակցությամբ:
2025թ․ մայիսի 22-ին ՀՀ կառավարությունը հավանության է արժանացրել ՀՀ Ազգային
«Իրավունքների պաշտպանություն առանց սահմանների» հասարակական կազմակերպությունը 2022 թվականի երկրորդ կիսամյակի,
Սույն հետազոտությունն ամփոփում է Բարձրագույն դատական խորհրդի կողմից 2023 թվականի
2025 թ. մայիսի 15-ին կազմակերպել ենք քննարկում՝ «ՀՀ հակակոռուպցիոն դատարանի
