Ջատագովության մասնագետ

«Իրավունքների պաշտպանություն առանց սահմանների» հասարակական կազմակերպությունը համագործակցության է հրավիրում ջատագովության մասնագետի՝ Դատաիրավական բարեփոխումների ոլորտում Կազմակերպության կողմից իրականացվող աշխատանքների ջատագովության կազմակերպման վերաբերյալ խորհրդատվություն և աջակցություն տրամադրելու նպատակով:

Ջատագովության մասնագետի հիմնական պարտականությունները.

• Քարտեզագրել ջատագովության հարցերով հիմնական շահագրգիռ կողմերին, այդ թվում՝ պետական մարմիններին, միջազգային կազմակերպություններին, օտարերկրյա ներկայացուցչություններին, լրատվամիջոցների և քաղաքացիական հասարակության կազմակերպություններին,
• Կազմակերպության աշխատակազմի հետ համատեղ մշակել ջատագովության ընդհանուր ռազմավարություն, ինչպես նաև ոլորտային ռազմավարական պլաններ,
• Կազմակերպության կողմից իրականացված հետազոտությունների հիման վրա մշակել ջատագովության առանցքային հարցերի շուրջ Կազմակերպության դիրքորոշումն արտահայտող պաշտոնական հայտարարություններ, փաստաթղթեր:

Անհրաժեշտ որակավորում, հմտություններ.

• Հանրային/բիզնեսի կառավարման, հաղորդակցության,  ռազմավարական պլանավորում/ռազմավարական կառավարման և հարակից ոլորտներում բարձրագույն կրթություն,
• Ջատագովության իրականացման առնվազն երեք տարվա ապացուցված փորձառություն, ՀՀ դատական և իրավական ոլորտի ջատագովության փորձառությունը կդիտվի որպես առավելություն,
• ՀՀ դատական և իրավական ոլորտի, այդ թվում՝ իրավապահ համակարգի մարմինների խնդիրների և ռազմավարական փաստաթղթերի իմացություն,
• Վերլուծական և հետազոտական կարողություններ ու հմտություններ,
• Հայերենի գերազանց իմացություն, անգլերենի լավ իմացությունը ցանկալի է։
• Պատասխանատվության բարձր զգացողություն և բարեխղճություն, ժամկետների պահպանման կարողություններ,
• Թիմում աշխատելու կարողություն,
• Համակարգչային հմտություններ:

Ինչպես Դիմել

Հետաքրքրված և վերոգրյալ պահանջներին համապատասխանող անձանց խնդրում ենք մինչև 2023թ. դեկտեբերի 13-ը info@prwb.am  հասցեին ուղարկել ինքնակենսագրությունը, նախկին փորձառությունն ապացուցող ռազմավարությունների կամ այլ փաստաթղթերը և ծառայության արժեքի վերաբերյալ տեղեկությունը՝ նամակի վերնագրում նշելով Ջատագովության մասնագետ վերնագիրը:

Ընտրության փաստաթղթային փուլն անցած թեկնածուները կհրավիրվեն հարցազրույցի:

Հարցերի դեպքում կարող եք կապ հաստատել 098505303 հեռախոսահամարով։

Կազմակերպության մասին

«Իրավունքների պաշտպանություն առանց սահմանների» հասարակական կազմակերպությունը հիմնադրվել է 2009 թվականին: Կազմակերպության առաքելությունն է բարձրացնել Հայաստանի Հանրապետությունում մարդու իրավունքների պաշտպանության արդյունավետությունը, իրավունքի գերակայության և լավ կառավարման սկզբունքների ամրապնդումը: Կազմակերպությունը մասնագիտացված է մարդու իրավունքների պաշտպանության, իրավունքի գերակայության, դատաիրավական, կոռուպցիայի դեմ պայքարի, ինչպես նաև անվտանգության ոլորտի բարեփոխումների իրականացման ծրագրերում: