Կարծիք «Դատախազության մասին» օրենքում փոփոխությունների նախագծի վերաբերյալ

2023 թվականի հունվարի 17-ին ՀՀ Կառավարության կողմից Ազգային ժողով է
ներկայացվել «Դատախազության մասին» ՀՀ օրենքում (հետայսու՝ Օրենք)
փոփոխություններ և լրացումներ կատարելու մասին նախագիծը, որը նույն թվականի
փետրվարի 7-ին ընդգրկվել է նստաշրջանի օրակարգ, և նույն օրն էլ ընդգրկվել է
հերթական նիստերի օրակարգ։

Նախագծի առնչությամբ Ազգային ժողովում հասանելի տեղեկությունների համաձայն՝
օրենքների նախագծերի փաթեթը կառավարության 2023 թվականի հունվարի 12-ի N
47-Ա որոշմամբ համարվել է անհետաձգելի։

Քննարկվող նախագծով առաջարկվող փոփոխությունները վերաբերում են մի քանի
էական ոլորտների՝

• Գլխավոր դատախազության կառուցվածքային ստորաբաժանման ու
  դատախազների կարգապահական պատասխանատվությանն առնչվող
  հարցերի հստակեցմանը
• Որակավորման հանձնաժողովի կազմին
• Պետական շահերի պաշտպանության հայցի ինստիտուտին
• Վերադաս և ստորադաս դատախազների փոխհարաբերություններին և
  դատախազների խմբի ձևավորմանը
• Դատախազների թեկնածությունների ցուցակում ընդգրկվելուն հավակնող
  անձին ներկայացվող օրենսդրական պահանջների հստակեցմանը
• Դատախազների առաջխաղացման ցուցակը կազմելիս բարեվարքության
  ստուգման վերացմանը
  Ներկայացվող փոփոխությունների մեջ առկա են մի շարք խնդրահարույց և մտահոգիչ
  առաջարկվող կարգավորումներ, որոնք ներկայացվում են ստորև։

«Իրավունքների պաշտպանություն առանց սահմանների» ՀԿ-ն, «Հելսինկյան քաղաքացիական ասամբլեայի Վանաձորի գրասենյակը» և «Իրավունքի զարգացման և պաշտպանության հիմնադրամը» օրենքի նախագծի վերաբերյալ կարծիք են ներկայացրել, որն ամբողջությամբ ներկայացված է ստորև։