Հայտարարություն Մշտադիտարկող-հետազոտողի մրցույթ

Հաստիքի անվանումը – Մշտադիտարկող-հետազոտող

Գործունեության ժամկետը –  2 ամիս

Գործունեության սկիզբը –  հունիսի 1, 2022 թ.

Գործունեության վայրը – ք. Երևան

«Իրավունքների պաշտպանություն առանց սահմանների» հասարակական կազմակերպությունը «ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագրի շրջանակներում կարճաժամկետ համագործակցության է հրավիրում Հայաստանի Հանրապետությունում աշխատանքային իրավունքների պաշտպանությամբ հետաքրքրված փորձագետի, որը կմիանա ԻՊԱՍ թիմին՝ աջակցելու ՀՀ առողջապահական և աշխատանքի տեսչական մարմնի գործունեության ուսումնասիրության և գնահատման ծրագրի իրականացմանը:

• Մշտադիտարկողի հիմնական պարտականությունները.
• Իրականացնել կազմակերպության կողմից պատրաստված գործիքակազմով տեղեկատվության հավաքագրում ՀՀ առողջապահական և աշխատանքի տեսչական մարմնի գործունեության վերաբերյալ, այդ թվում՝ մեդիա-դիտարկում, դատական ակտերի ուսումնասիրություն, հարցազրույցների իրականացում.
• Լրացնել համապատասխան տվյալների շտեմարանը.
• Իրականացնել հավաքագրված տեղեկատվության ամփոփում:

• Անհրաժեշտ որակավորում, հմտություններ.

• Բարձրագույն կրթություն կամ վերապատրաստում իրավագիտության և մարդու իրավունքների ոլորտներում.
• Տեղեկություններ հավաքագրելու հմտություններ.
• Հարցազրույց իրականացնելու հմտություններ.
• Համակարգչային հմտություններ.
• Վերլուծական և հետազոտական հմտություններ.
• Պատասխանատվության բարձր զգացողություն և բարեխղճություն.
• Թիմային և անկախ աշխատելու կարողություն.
• Նախաձեռնողականություն։

Հետաքրքրվող և վերոգրյալ պահանջներին համապատասխանող անձանց խնդրում ենք ուղարկել ինքնակենսագրականը info@prwb.am հասցեին մինչև 2022 թ. մայիսի 25-ը՝ էլեկտրոնային նամակի թեմայում նշելով «Մշտադիտարկող-հետազոտող» վերնագիրը: Ընտրության փաստաթղթային փուլն անցած թեկնածուները կհրավիրվեն հարցազրույցի:

«ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագիրն իրականացվում է ՕքսԵՋեն հիմնադրամի, «Սոցիոսկոպ» ՀԿ-ի, «Ասպարեզ» լրագրողների ակումբ ՀԿ-ի, «Հայ առաջադեմ երիտասարդություն» ՀԿ-ի կողմից՝ «Իրավունքների պաշտպանություն առանց սահմանների» ՀԿ-ի և Եվրասիա համագործակցություն հիմնադրամի հետ համատեղ: Ծրագիրը ֆինանսավորվում է Եվրոպական միության կողմից:

Հայտարարություն Մշտադիտարկող-հետազոտողի մրցույթ