2020թ. մարտի 1-ից «Իրավունքների պաշտպանություն առանց սահմանների» հասարակական կազմակերպությունը ԱՄՆ Ժողովրդավարության ազգային հիմնադրամի (NED) ֆինանսական աջակցությամբ իրականացնում է «Հանրային կառավարման համակարգի բարելավում. արդյո՞ք նոր Հայաստանը նոր իրականություն է ստեղծում» ծրագիրը:
Ծրագրի նպատակն է նպաստել Հայաստանում հանրային կառավարման և վարչական արդարադատության ոլորտների բարեփոխումներին:
Նշված ծրագիրը 2019 թվականին ԱՄՆ Ժողովրդավարության ազգային հիմնադրամի ֆինանսական աջակցությամբ և «Իրավունքների պաշտպանություն առանց սահմանների» ՀԿ կողմից իրականացրած նմանատիպ նախաձեռնության շարունակությունն է, որն առաջին ծրագիրն էր Հայաստանում՝ միաժամանակ թիրախավորելով հանրային կառավարման համակարգն ու վարչական արդարադատության ոլորտը: Ծրագիրն ուղղված է Հայաստանի Հանրապետությունում վարչական ակտերի դատական վերանայման միջոցով հանրային կառավարման արդյունավետությունը համակողմանիորեն գնահատելուն։
Ծրագիրը իրականացվելու է Հայաստանի վարչական դատարաններում դատական նիստերի մշտադիտարկման, վարչական մարմիններին և վարչական արդարադատությանն առնչվող քաղաքացիներին իրավաբանական խորհրդատվության և աջակցության տրամադրման, ինչպես նաև հանրային կառավարման և վարչական արդարադատության ոլորտներում շարունակական բարեփոխումներին աջակցելու և ջատագովելու միջոցով:
Դրամաշնորհի ընդհանուր արժեք 101,000 $
Ծրագրի ժամանակաշրջան 1 մարտի 2020թ. – 28 փետրվարի 2021թ.
Շնորհատու կազմակերպություն ԱՄՆ Ժողովրդավարության ազգային հիմնադրամ (NED)
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
