Աշխատանքի հայտարարություն. Ծրագրերի համակարգող

«Իրավունքների պաշտպանություն առանց սահմանների» հասարակական իրավապաշտպան կազմակերպությունը աշխատանքի է հրավիրում մարդու իրավունքների պաշտպանության, դատաիրավական և կառավարման ոլորտների բարեփոխումներով հետաքրքրված և ծրագրերի համակարգման փորձ ունեցող անձի՝ Կազմակերպության ծրագրերն ու գործունեությունը համակարգելու նպատակով:

Թեկնածուն պետք է ունենա գիտելիքներ մարդու իրավունքների և հիմնարար ազատություններին ուղղված Հայաստանի Հանրապետության միջազգային պարտավորությունների վերաբերյալ և Հայաստանի Հանրապետությունում մարդու իրավունքների, իրավունքի գերակայության, դատաիրավական ու կառավարման համակարգի խնդիրների ու կարիքների վերաբերյալ, ծանոթ լինի մարդու իրավունքների և դատաիրավական ու կառավարման համակարգին առնչվող ռազմավարություններին, օրենսդրությանը և քաղաքականության բարեփոխումների ծրագրերին: Թեկնածուն պետք է ունենա  վերլուծական հմտություններ, գրավոր և բանավոր հաղորդակցման կարողություններ, կազմակերպչական և բանակցային հմտություններ:

Ծրագրերի համակարգողի հիմնական պարտականություններն են.

1. Ծրագրերի ընթացքի և գործողությունների պլանավորում և իրականացման որակի ու ժամկետների պահպանման նկատմամբ վերահսկողություն,
2. Ծրագրային փաստաթղթերի և ծրագրերի ընթացիկ ու վերջնական արդյունքների վերլուծություն և ամփոփում, հաշվետվությունների պատրաստում և ներկայացում,
3. Աշխատակազմի աշխատանքի արդյունավետության ապահովում, այդ թվում՝ հանդիպումների, ժողովների կազմակերպում, արտաքին գործընկերների հետ համագործակցության և հաղորդակցության ապահովում,
4. Ըստ անհրաժեշտության՝ ոլորտային ուսումնասիրությունների իրականացում և զեկույցների կազմում, ամփոփում և առաջարկությունների մշակում և ներկայացում,
5. Կազմակերպության գործունեության և դրա արդյունքների ներկայացում, ծրագրերից բխող հաղորդագրությունների պատրաստում և տարածում,
6. Ծրագրերի ֆինանսական հաշվետվությունների վերահսկողություն
7. Նոր ծրագրերի կազմմանն ու ներկայացմանն աջակցություն,
8. Կոմպետենցիայից բխող այլ անհրաժեշտ գործողությունների իրականացում:

Թեկնածուին ներկայացվող պահանջներն են՝

• Բարձրագույն կրթություն կամ վերապատրաստում իրավագիտության կամ մարդու իրավունքների, հանրային քաղաքականության կամ հանրային կառավարման ոլորտներում
• Առնվազն 3 տարվա ծրագրերի կամ կազմակերպության համակարգման փորձ
• Զեկույցների և առաջարկությունների մշակման և վերլուծական հմտություններ
• Ծրագրային առաջարկներ և հաշվետվություններ գրելու կարողություններ Պլանավորման ունակություններ և ժամանակի կառավարում
• Գործընկերների հետ կապեր ստեղծելու և պահպանելու կարողություն
• Համակարգման և բանավոր հաղորդակցության գերազանց ունակություններ
• ՏՏ գիտելիքներ (MS Office)
• Հայերենի ու անգլերենի գերազանց իմացություն, ռուսերենի աշխատանքային մակարդակի գիտելիքներ
• Նախաձեռնողականություն
• Պատասխանատվության բարձր զգացողություն և բարեխղճություն
• Թիմային և անկախ աշխատելու կարողություն
• Շարունակական զարգացման և նոր հմտություններ սովորելու ձգտում
• Տարաբնույթ առաջադրանքներ կատարելու պատրաստակամություն
• Սթրեսային իրավիճակներում աշխատելու ունակություն

Ինչպես դիմել

Հետաքրքվող և վերոգրյալ պահանջներին համապատասխանող անձանց խնդրում ենք ուղարկել Ձեր ինքնակենսագրականը և հետաքրքրության նամակը info@prwb.am հասցեին մինչև 2020 թ. փետրվարի 7-ը՝ էլեկտրոնային նամակի թեմայում նշելով Ծրագրերի համակարգող վերնագիրը:

Ընտրության առաջին փուլն անցած թեկնածուները կհրավիրվեն հարցազրույցի: