2019 թվականի նոյեմբերի 18-ին ՀՀ Ազգային ժողովի քվեարկության արդյունքներով «Իրավունքների պաշտպանություն առանց սահմանների» ՀԿ նախագահ Հայկուհի Հարությունյանը ընտրվել է Կոռուպցիայի կանխարգելման հանձնաժողովի անդամ, իսկ այնուհետև՝ նոյեմբերի 26-ին Կոռուպցիայի կանխարգելման հանձնաժողովի անդամների բաց քվեարկության արդյունքներով ընտրվել է հանձնաժողովի նախագահ:
2019 թվականի դեկտեմբերի 3-ին տեղի է ունեցել «Իրավունքների պաշտպանություն առանց սահմանների» ՀԿ Ընդհանուր ժողովի արտահերթ նիստ: Որպես օրակարգի առանցքային հարց քննարկվել է օրենքի ուժով Հայկուհի Հարությունյանի լիազորությունները դադարեցված համարելու հիմքով կազմակերպության ղեկավար մարմնի փոփոխության հարցը:
Ժողովի որոշմամբ Կազմակերպության նախագահի պաշտոնում ընտրվել է կազմակերպության իրավական հարցերով փորձագետ Արաքս Մելքոնյանը:
Արաքս Մելքոնյանի կենսագրությունը
Արաքս Մելքոնյանը 2010թթ. ավարտել է Երևանի պետական համալսարանի իրավագիտության ֆակուլտետը՝ ստանալով իրավունքի մագիստրոսի կոչում: 2014թ. ավարտել է Էսսեքսի համալսարանը (Միացյալ Թագավորություն) Մարդու իրավունքների միջազգային իրավունք մասնագիտությամբ, 2015թ. Թուրինի համալսարանը (Իտալիա)՝ միջազգային քրեական արդարադատություն մասնագիտությամբ:
Արաքս Մելքոնյանը «Իրավունքների պաշտպանություն առանց սահմանների» ՀԿ թիմին միացել է 2010 թվականից՝ որպես մարդու իրավունքների փորձագետ: Կազմակերպությունում համակարգել է մարդու իրավունքների մոնիթորինգի ծրագրերը և ռազմավարական դատավարությունների վարումը ինչպես ներպետական դատարաններում, այնպես էլ Մարդու իրավունքների եվրոպական դատարանում, իրականացրել է հետազոտություններ Հայաստանի Հանրապետությունում մարդու իրավունքների պաշտպանության վիճակի վերաբերյալ:
Իր գործունեության ընթացքում Արաքսը համագործակցել է ազգային և միջազգային իրավապաշտպան կազմակերպությունների հետ մարդու իրավունքներին առնչվող մի շարք ծրագրերում, այդ թվում՝ քրեական արդարադատության, զինված ուժերում մարդու իրավունքների, խոշտանգումների դեմ պայքարի, մարդու իրավունքների և թմրամիջոցների քաղաքականության վերաբերյալ և այլ ծրագրերում:
Արաքս Մելքոնյանը 2012թ.-ից ՀՀ փաստաբանների պալատի անդամ է:
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
