Զեկույց «Արդարադատության ոլորտի վերաբերյալ հանրության կարիքները եվ ակնկալիքները Հայաստանում»

Զեկույցը պատրաստվել է  2016 թվականի փետրվարից 2017 թվականի նոյեմբեր ամիսների ընթացքում «Ի ԷԼ ԷԼ ԳՈՐԾԸՆԿԵՐՈՒԹՅՈՒՆ» իրավաբանական գրասենյակի Public Adminstration International (London)-ի և «Եվրոպական սահմանադրական իրավունքի կենտրոնի» հետ համատեղ ԵՄ ֆինանսական աջակցությամբ իրականացվող «Արդարադատության մոնիթորինգ» ծրագրի շրջանակներում:

Ծրագրի հիմնական փորձագետ է հանդիսացել «Իրավունքների պաշտպանություն առանց սահմանների» ՀԿ նախագահ Հայկուհի Հարությունյանը:

Սույն վերլուծական հաշվետվությունը ներկայացնում է Հայաստանի Հանրապետությունում 2016 մայիս-դեկտեմբեր ամիսներին  իրականացված արդարադատության որակի և ոլորտի ծառայությունների մատուցման ընթացակարգերի լայնամասշտաբ հետազոտության և գնահատման ընդհանրական արդյունքները,  որպես արդարադատության մոնիթորինգի արդյունքներ:

Այն նպատակ ունի ներկայացնել Հայաստանի Հանրապետությունում արդարադատության ինստիտուտների գործունեությունից հանրության ակնկալիքներն ու կարիքները,  շեշտադրել արդարադատության համակարգի բարեփոխումների ամենաարդիական ու առաջնային հիմնախնդիրները, թե մասնագիտական,  թե՛ համակարգի շահառու հանդիսացող և այդ ծառայություններից ուղղակիորեն օգտվող քաղաքացիների մատնանշմամբ:

Հաշվետվությունը կառուցված է արդարդատության որակի և արդարադատության ինստիտուտների, մասնավորապես՝ դատարանների գործունեության հանրային ընկալման և միաժամանակ մասնագիտական գնահատականների համադրման արդյունքների վրա: Կարևորվել է նաև, թե ինչպես են արդարադատության որակական հատկանիշները ընկալվում արդարադատությունն իրականացնողների /ծառայություն մատուցողների/ կողմից,  թե’ ինչպես են վերջիններս դրսևորում իրենց օրենքը կիրառելիս և մասնագիտական պարտականություններն իրականացնելիս:

Արդարադատության մոնիթորինգը ներառել է հետևյալ հիմնական ոլորտները.

• անկախություն և հաշվետվողականություն,
• հավասարություն, մրցակցություն և արդար դատաքննության այլ սկզբունքներ,
• արդարադատության կանխատեսելիություն,
• արդարադատության ծառայությունների մատչելիություն,
• արդարադատության ծառայությունների արդյունավետություն,
• հավատ և վստահություն:

«Արդարադատության ոլորտի վերաբերյալ հանրության կարիքները եվ ակնկալիքները Հայաստանում» զեկույց