2018թ.-ի հուլիսի 19-ին ՀՀ վերաքննիչ քրեական դատարանը՝ նախագահությամբ դատավոր Վազգեն Ռշտունու, որոշում է կայացրել՝ բավարարել «Իրավունքների պաշտպանություն առանց սահմանների» ՀԿ-ի կողմից ներկայացված վերաքննիչ բողոքը՝ բեկանելով Երևան քաղաքի առաջին ատյանի ընդհանուր իրավասության դատարանի որոշումը:
Դատարանը նաև վարույթն իրականացնող մարմնին պարտավորեցրել է վերացնել դիմողի իրավունքների խախտումը, որպես հաղորդում ներկայացրած անձ՝ տրամադրել քրեական գործ հարուցելու մասին որոշման պատճենը:
Տեղեկացնենք, որ 2018թ. հունվարի 19-ին կազմակերպությունը հաղորդում էր ներկայացրել ՀՀ գլխավոր դատախազություն և Հատուկ քննչական ծառայություն՝ ՀՀ ԱՆ «Աբովյան» ՔԿՀ դատապարտյալ Ա. Ա.-ի մահվան փաստի կապակցությամբ, որին ի պատասխան՝ դատախազությունից ստացվել է գրություն՝ համաձայն որի՝ սահմանված կարգով նախապատրաստվում են նյութեր:
2018թ.-ի փետրվարի 23-ին կազամակերպությունը դիմել է Երևան քաղաքի Ավան և Նոր Նորք վարչական շրջանների քննչական բաժին՝ խնդրելով տեղեկացնել հարուցված գործի շրջանակներում իրականացվող նախաքննության ընթացքի մասին և ծանոթացնել գործի արդյունքներին:
2018թ. մարտի 5-ին պատասխան գրությամբ տեղեկացվել է, որ քրեական գործը հարուցվել է ոչ թե կազմակերպության հաղորդման հիման վրա, այլ ՀՀ ոստիկանության Նոր Նորքի բաժնում նախապատրաստված նյութերի հիման վրա: Հետևաբար կազմակերպությունը չի հանդիսանում հաղորդում տված իրավաբանական անձ, ուստի հնարավոր չէ վերջինիս որոշում տրամադրել:
«Իրավունքների պաշտպանություն առանց սահմանների» ՀԿ-ն այս առնչությամբ 2018թ. ապրիլի 5-ին դիմել է Երևան քաղաքի ընդհանուր իրավասության դատարան՝ պահանջելով վերացնել ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնի քննիչի անգործությունը և հաղորդման հիման վրա պարտավորեցնել ՀՀ քրեական դատավարությամբ նախատեսված որոշում կայացնել:
Երևան քաղաքի ընդհանուր իրավասության դատարանը իր որոշմամբ գտել էր, որ կազմակերպությունը չի հանդիսանում հանցագործության մասին հաղորդում տված անձ և եկել էր այն եզրահանգման, որ ՀՀ քննչական կոմիտեի քննչական բաժնի քննիչի կողմից որևէ քրեադատավարական անգործություն չի դրսևորվել, ինչի հիմքով որոշում էր կայացրել մերժել դիմումը:
Վերաքննիչ դատարանի գնահատմամբ անձի խնդիրը չէ, որ վարույթն իրականացնող մարմինն արդեն ձեռնամուխ է եղել նյութերի նախապատրաստմանը ոչ թե իր, այլ մեկ այլ անձի ներկայացրած հաղորդման հիման վրա՝ հաշվի առնելով, որ վարույթն իրականացնող մարմինը ցանկացած դեպքում պարտականություն է կրում քննարկելու և լուծելու հանցագործության մասին ստացված հաղորդումները, այդ թվում նաև իր վարույթում գտնվող միևնույն հանցագործության փաստի առթիվ ներկայացվածները, իսկ հաղորդման՝ ըստ էության քննարկման և նյութեր նախապատրաստելու համար օրենսդիրը չի սահմանում որևէ տարբերակված մոտեցում ավելի վաղ ներկայացրած հաղորդման համար:
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
