«Արտահայտվելու և Հավաքների ազատության խթանումը քաղաքացիական հասարակության ներսում»

2017 թվականի հուլիսի 21-ին Ուկրաինայի մայրաքաղաք Կիևում տեղի ունեցավ կոնֆերանս «Արտահայտվելու և Հավաքների ազատության խթանումը քաղաքացիական հասարակության ներսում» թեմայով։

Կոնֆերանսը կազմակերպվել է GLOBAL FOCUS և Civic Initiatives Support Center կազմակերպությունների կողմից՝ «Իրավունքների պաշտպանություն առանց սահմանների» ՀԿ հետ համագործակցությամբ ՀԿ-ների Սևծովյան ֆորումի շրջանակներում։Կոնֆերանսին մասնակցում են տարածաշրջանի մոտ 10 երկրներից ժամանած իրավապաշտպաններ, ակտիվիստներ և փորձագետներ։

Կոնֆերանսին են մասնակցել նաև «Իրավունքների պաշտպանություն առանց սահմանների» ՀԿ աշխատակիցները:

Հանդիպման ընթացքում ներկայացվել են տարածաշրջանի առանձին երկրներում հավաքների և արտահայտվելու իրավունքների պաշտպանության առկա վիճակը, խնդիրներն ու ռիսկերը։

Որպես կոնֆերանսի ամփոփում՝ նախատեսվում է տարածաշրջանում Մարդու իրավունքների վերաբերյալ հատուկ բանաձևի ընդունում։