Հայտարարվեցին Ոսկե բանալի մրցանակաբաշխության հաղթողները

2016 թ.-ի սեպտեմբերի 28-ին Ինֆորմացիայի ազատության կենտրոնի հիմնադրման 15 րդ ամյակը եւ Տեղեկատվության ազատության միջազգային օրը նշանավորելու նպատակով արդեն 14-րդ անգամ Երեւանում տեղի ունեցավ Ինֆորմացիայի ազատության կենտրոնի «Ոսկե բանալի եւ ժանգոտ կողպեք» ամենամյա մրցանակաբաշխությունը:

Միջոցառմանը բացման խոսքով հանդես եկավ ՀՀ կառավարության աշխատակազմի ղեկավար-նախարար Դավիթ Հարությունյանը, ով կարեւորեց այս նախաձեռնությունը եւ շնորհավորեց մրցանակակիրներին: Ներկաներին ողջունեցին նաեւ Հայաստանում Եվրոպական միության պատվիրակության գործող ղեկավար Դիք Լորենցը եւ ԻԱԿ նախագահ Լիանա Դոյդոյանը , ով նշեց. «Ինֆորմացիայի ազատության կենտրոնը Ոսկե բանալի եւ Ժանգոտ կողպեք ամենամյա մրցանակաբաշխության միջոցով ձեւավորում ու ամրապնդում է հրապարակայնության ու թափանցիկության ավանդույթները Հայաստանի կառավարման համակարգում . Ոսկե բանալին եւ ժանգոտ կողպեքը դարձել են ազդեցիկ միջոցներ փակ եւ գաղտնի գործունեությունը հրապարակայնորեն քննադատելու , միաժամանակ բարձր գնահատելու պետական մարմինների բաց եւ թափանցիկ աշխատանքը »:

Մրցանակաբաշխության դրական մրցանակը, Ոսկե բանալին շնորհվեց հետեւյալ անձանց եւ կազմակերպություններին.

• Առողջապահության նախարարությունը ՀՀ ճանաչվեց ամենաբաց գերատեսչություն, որը լավագույնս է կիրառում «Տեղեկատվության ազատության մասին» օրենքը: ՀՀ առողջապահության նախարարի տեղակալ Սերգեյ Խաչատրյանին Ոսկե բանալի մրցանակը հանձնեց Հայաստանում Եվրոպական միության պատվիրակության գործող ղեկավար Դիք Լորենցը.
• «Բաց կառավարման գործընկերություն» նախաձեռնության շրջանակում միջազգային Հայաստանյան գործողությունների ծրագրի հանձնառությունները լավագույն իրականացման համար Ոսկե բանալի մրցանակ տրվեց ՀՀ կառավարության աշխատակազմի ղեկավար-նախարար Դավիթ Հարությունյանին: Մրցանակը շնորհեց ԱՄՆ ՄԶԳ / Հայաստան ղեկավար Դեբորա Գրիսերը:
• ՀՀ Վայոց Ձորի մարզպետարանի պաշտոնական ինտերնետային կայքը, ճանաչվեց տեղեկատվության տրամադրման լավագույն ինտերնետային պաշտոնական կայք: Ոսկե բանալի մրցանակը Վայոց Ձորի փոխմարզպետ Մելս Հարությունյանին հանձնեց Հայաստանում Մեծ Բրիտանիայի արտակարգ եւ լիազոր դեսպան տիկին Ջուդիթ Մարգարեթ Ֆարնուորթը :
• Տեղեկություն ստանալու իրավունքն ամենաակտիվ եւ լավագույնս օգտագործող հասարակական կազմակերպություն ճանաչվեց «Իրավունքների պաշտպանություն առանց սահմանների» հասարակական կազմակերպությանը: ՀԿ-ի նախագահ Հայկուհի Հարությունյանին մրցանակը հանձնեց ՀՀ արդարադատության փոխնախարար Սուրեն Քրմոյանը :
• «Տեղեկատվության ազատության մասին» ամենաակտիվ օգտագործող օրենքն լրագրող ճանաչվեց Սիվիլնեթի լրագրող Արման Սուլեյմանյանը: Ոսկե բանալի մրցանակը հանձնեց Հայաստանում Եվրոպայի խորհրդի գրասենյակի ղեկավարի տեղակալ Լորետա Վիոյուն :
• Տեղեկատվության ազատությանն առնչվող խնդիրները հետեւողական լուսաբանած լրատվամիջոց ճանաչվեց  «Ասպարեզ» օրաթերթը:
• ԻԱԿ-ի 15 հոբելյանական ամյակի Հատուկ մրցանակը շնորհվեց ՀՀ պաշտպանության նախարարի մամուլի քարտուղար Արծրուն Հովհաննիսյանին:

Հիմնադրման 15-ամյակի կապակցությամբ ԻԱԿ-ը որոշեց Մրցանակաբաշխության բացասական մրցանակ ժանգոտ կողպեքի մրցանակակիր մարմիններին չհայտարարել: Փոխարենը ՏԱ տեսանկյուից փակ գործող մարմինները կընգրկվեն Կենտրոնի եռամսյակային եւ տարեվերջյան Սեւ ցուցակներում:

Հրապարակային եւ փակ գերատեսչությունների ընտրության չափանիշներին կարող եք ծանոթանալ ԻԱԿ -ի ինտերնետային կայքում,  . Նախորդ տարիների արդյունքներին կարող եք ծանոթանալ այստեղ:
Նախորդ տարիների մրցանակակիրների մասին տեղեկությունները հասանելի են այստեղ:

www.foi.am

post

{:en}Recipients of the Golden Key and Rusty Lock announced