2014 թվականի սեպտեմբերի 30-ից սկսվում է զինված ուժերում մարդու իրավունքների դասընթացների երկրորդ շրջանը: Դասընթացների շարքը կազմակերպվում է «Իրավունքների պաշտպանություն առանց սահմանների» հասարակական կազմակերպության և ԵԱՀԿ երևանյան գրասենյակի ֆինանսական օժանդակությամբ:
Դասընթացների առաջին փուլը տեղի կունենա Գորիսում, սեպտեմբերի 30-ից հոկտեմբերի 3-ը՝ ընդգրկելով Վայքի և Գորիսի ռազմական կորպուսների ներկայացուցիչներին՝ թվով 23 հրամանատարական կազմի ներկայացուցիչ:
Զուգահեռաբար 2014 թվականի հոկտեմբերի 1-ից 4-ը դասընթացներ կիրականացվեն Դիլիջանում, որը կընդգրկի Լոռվա և Տավուշի ռազմական կորպուսների ԱՀՏԱ գծով տեղակալներին, դասընթացներին կմասնակցի 30 անձ: Դասընթացների հիմնական նպատակն է նպաստել անվտանգության ոլորտում մարդու իրավունքների խախտումների նվազեցմանը և կանխարգելմանը՝ մարդու իրավունքների կրթության միջոցով:
Հատկանշական է այն փաստը, որ դասընթացների համար մշակվել է հատուկ մեթոդաբանություն: Պաշտպանության Նախարարությունում տեղի են ունեցել քննարկումների շարք, որոնց շրջանակներում իրականացվել է կարիքի գնահատում, թե մարդու իրավունքների ոլորտի, որ խնդիրներն են, որ պետք է ճիշտ հասցեագրվեն դասընթացների ժամանակ:
Հիմնվելով քննարկման արդյունքների վրա փորձագետների կողմից մշակվել է դասընթացների թեմաները, օրակարգը: Այն ներառում է ընդհանուր մարդու իրավունքների տեսությունը՝ առավել կենտրոնացված «համազգեստով քաղաքացի» կոնցեպտի վրա:
Դասընթացի թեմաները ներառում են նաև զինված ուժերի կառուցվածքի, զինված ուժերի ծառայության և զինվորական իրավասությունների իրականացման մասով մարդու իրավունքների հավանական խախտումների վերաբերյալ ինֆորմացիա:
Դասընթացները կվարեն մարդու իրավունքների ոլորտում որակավորված մասնագետներ՝ Արտակ Զեյնալյաը, Տիրգրան Սաֆարյանը, Արա Ղազարյանը, ինչպես նաև Դավիթ Թումասյանը, Լևոն Գևորգյանը և Գաբրիել Բալայանը:
Ծրագրի շրջանակներում նախատեսվում է դասընթացներ անցկացնել նաև ռազմական ոստիկանության ներկայացուցիչների համար:
Հիշեցնենք, որ «Իրավունքների պաշտպանություն առանց սահմանների» հասարակական կազմակերպությունը 2014 թվականի հուլիսի 24-ից ԵԱՀԿ Երևանյան գրասենյակի հետ համագործակցությամբ իրականացնում է «Անվտանգության ոլորտում մարդու իրավունքների խթանում» ծրագիրը:
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
