«Իրավունքների պաշտպանություն առանց սահմանների» հասարակական կազմակերպությունը «Հայաստանում ազատազրկված կանանց իրավունքների պաշտպանության արդյունավետության բարձրացման» ծրագրի շրջանակներում հայտարարում է երկօրյա դասընթացի մասնակցության հայտերի մրցույթ՝ «Ազատազրկված կանանց իրավունքների պաշտպանության մեխանիզմները» թեմայով, որը կկայանա 2014 թվականի փետրվարի 21-23-ը ` Աղվերանում:
Դասընթացի շրջանակներում կներկայացվեն ազատազրկված կանանց նկատմամբ վերաբերմունքի և պահման պայմանների վերաբերյալ օրենսդրական չափանիշները, բանգկոկի կանոնների հիման վրա մշակված մշտադիտարկման ուղեցույցն ու գործիքները, դիտարկման իրականացման գործնական հմտությունները:
Դասընթացից հետո դասընթացի մասնակիցները հնարավորություն կստանան մասնակցել աբովյան քկհ-ում ազատազրկված կանանց իրավունքների մոնիթորինգին՝ պահման պայմանների դիտարկմանը և հարցազրույցների իրականացմանը:
Դասընթացին մասնակցության հայտ կարող են ներկայացնել քաղաքացիական հասարակության ներկայացուցիչները, մարդու իրավունքների պաշտպանությամբ զբաղվող անձինք, լրագրողները, ինչպես նաև շահագրգիռ բոլոր անձինք:
մոնիթորինգի խմբի աշխատանքի արդյունքները կներառվեն «Հայաստանում ազատազրկված կանանց իրավունքների պաշտպանությունը» վերնագրով զեկույցում:
Տեղեկացնենք, որ 2013թ. հոկտեմբերից «Իրավունքների պաշտպանություն առանց սահմանների» հասարակական կազմակերպությունը քաունթերփարթ ինթերնեշնլ հայաստանի գրասենյակի աջակցությամբ իրականացնում է ծրագիր` ուղղված Հայաստանում ազատազրկված կանանց իրավունքների պաշտպանության արդյունավետության բարձրացմանը` մակ-ի 65/229 բանաձևին (բանգկոկի կանոններ) համապատասխան օրենսդրական բարեփոխումների և դրանց կիրառելիությունն ապահովող միջազգային բանտային ռեֆորմի (penal reform international) ուղեցույցների հիման վրա մոնիթորինգի նոր չափանիշների մշակման ու հայաստանում ներդրման միջոցով:
դասընթացին մասնակցելու համար անհրաժեշտ է ուղարկել ինքնակենսագրություն և դիմում-հայտ հետևյալ էլ. հասցեին՝ shoghine@prwb.am: դիմումների վերջնաժամկետը 2014թ. փետրվարի 14-ն է: Լրացուցիչ հարցերի պարզաբանման համար կարող եք դիմել ԻՊԱՍ-ի հասարակայնության հետ կապերի համակարգող Շողինե Սողոմոնյանին.
հեռ.՝ +374 (98) 505 303
էլ.-փոստի հասցե՝ shoghine@prwb.am
կից հղումով կգտնեք դիմում-հայտը:
«Տարբեր հարթակներից, միջազգային կառույցների գնահատման արդյունքում ընդհանուր առմամբ նույն պատկերին
«Փաստացի մեկ նամակի միջոցով կարևորագույն պաշտոններ զբաղեցնող անձինք իրենց լիազորությունները
«Մի վնասիր սկզբունքը կարևոր է։ Ոչ մեկս էլ չենք ուզում
«Ցավալի և մտահոգիչ է, որ Ադրբեջանը ծանուցել է Կարմիր Խաչի
