Համագործակցության հայտարարություն: Հետազոտող-իրավաբան

«Իրավունքների պաշտպանություն առանց սահմանների» հասարակական կազմակերպությունը հրավիրում է համագործակցության իրավական հետազոտությունների իրականացման փորձ ունեցող մասնագետի, ով կմիանա ԻՊԱՍ թիմին հետազոտական աշխատանքներին աջակցելու համար:

Թեկնածուից պահանջվում է ունենալ գիտելիքներ Հայաստանի Հանրապետությունում դատական և իրավական համակարգի, մարդու իրավունքների և քրեական արդարադատության ոլորտների խնդիրների ու կարիքների վերաբերյալ, ծանոթ լինել Հայաստանի Հանրապետության Սահմանադրության բարեփոխումների, մարդու իրավունքների և դատական և իրավական բարեփոխումներին առնչվող ռազմավարություններին և դրանց իրականացման ընթացքին։

Թեկնածուն պետք է օժտված լինի հետազոտական և վերլուծական կարողություններով, հարցազրույցներ վարելու և տվյալներ հավաքագրելու հմտություններով, գրավոր և բանավոր հաղորդակցման կարողություններով:

Հետազոտողի հիմնական պարտականություններն են.

• Կազմակերպության գործունեության նպատակներից բխող ոլորտային իրավական հետազոտությունների իրականացում, այդ թվում՝ Հայաստանի Հանրապետության ռազմավարությունների իրականացման մշտադիտարկման և վերլուծության իրականացում,
• անհրաժեշտ տեղեկատվության հավաքագրում տարբեր աղբյուրներից, այդ թվում՝ մշտադիտարկումների և հարցազրույցների իրականացում,
• հավաքված տեղեկատվության վերլուծություն և ամփոփում,
• օրենսդրական նախագծերի ուսումնասիրություն և վերլուծություն
• այլընտրանքային կարծիքների, դիտարկումների նախագծերի և առաջարկությունների մշակում մշակում:

Թեկնածուին ներկայացվող հիմնական պահանջներն են

• Բարձրագույն իրավաբանական կրթություն,
• Վերլուծական և հետազոտական կարողություններ ու հմտություններ,
• Հարցազրույցներ վարելու և տվյալներ հավաքագրելու հմտություններ,
• Հայերենի գերազանց իմացություն, անգլերենի ու ռուսերենի աշխատանքային մակարդակի գիտելիքներ,
• Պատասխանատվության բարձր զգացողություն և բարեխղճություն,
• Թիմային և ինքնուրույն աշխատելու կարողություն։

Հետաքրքված և վերոգրյալ պահանջներին համապատասխանող անձանց խնդրում ենք ուղարկել Ձեր ինքնակենսագրականը և իրականացված հետազոտության օրինակը info@prwb.am  հասցեին մինչև 2023թ․ մարտի 31-ը՝ էլեկտրոնային նամակի թեմայում նշելով Հետազոտող-իրավաբան վերնագիրը:

Ընտրության փաստաթղթային փուլը հաղթահարած թեկնածուները կհրավիրվեն հարցազրույցի: